TOShKENT, 2 dek – Sputnik. Qashqardaroning G‘uzor tuman hokimligi o‘zboshimchalik bilan tarmoqqa ulanib, elektr energiyasidan noqonuniy foydalangan. Hujjatlarda hokimlikka qarashli binoda o‘rnatilgan hisoblagich dasturda o‘chirilganligi ko‘rsatilgan bo‘lgan. Bu haqda “O‘zenergoinspeksiya”ning hududiy bo‘limi xabar qildi.
Hisoblanmagan energiya qiymati 124 214 kVt.soatni tashkil etgan, zarar – 55,8 mln so‘m.
Yana bir qoidabuzarlik Qarshi shahar obodonlashtirish boshqarmasiga qarashli ko‘cha chiroqlari elektr ta’minoti hisob nuqtalarini o‘rganishda aniqlangan. Bitta hisob nuqtasida hisoblagichsiz o‘zboshimchalik bilan ulanganligi aniqlangan, 4 tasida esa transformator punkti va hisoblagichlar shartnoma va dasturga kiritilmasdan ishlatilayotganligi aniqlangan.
O‘rganish natijasiga ko‘ra jami 335, 6 mln so‘m (745 819 kVt.s) ga qayta hisob qilingan va undirishga yo‘naltirilgan.
