TOShKENT, 3 dek – Sputnik. Farg‘ona viloyati Marg‘ilon shahri hokimining sobiq o‘rinbosari o‘z uyidan osilgan holda topilgan, deb xabar qildi Bosh prokuratura matbuot xizmati.
“Farg‘ona shahar IIB navbatchilik qismidan 30.11.2019 yil soat 11-00 larda kelib tushgan xabarga ko‘ra, 15.11.1984 yilda tug‘ilgan Tuxtamatov Elorbek Dilijonovichning yashash xonadoni yerto‘lasida kabeldan sirtmoq yasab, o‘zini o‘zi osib vafot etgan”, - deyilgan ma’lumotnomada.
Ayni vaqtda Farg‘ona shahar prokuraturasi tomonidan tergovga qadar tekshiruv o‘tkazilmoqda.
Tuxtamatov 2018-yil 20-avgustda Marg‘ilon shahar hokimining iqtisodiyot va tadbirkorlik masalalari bo‘yicha birinchi o‘rinbosari lavozimiga tayinlanib, 2019-yil 2-aprel kuni o‘z xohishiga ko‘ra egallab turgan vazifasidan ozod etilgandi.
