TOShKENT, 9 yanv — Sputnik. Qoraqalpog‘istonning Amudaryo tumanida ona va bolaning o‘ldirilishi va xonadon egasining joniga qasd qilishiga qo‘l urishi yuzasidan O‘zbekiston Bosh prokuraturasi axborot xizmati ma’lumot berdi.
xabarda yozilishicha, tumanning Qipchoq mahallasida istiqomat qiluvchi 27 yoshli S.D.ning xonadoni yotoqxonasidan uning turmush o‘rtog‘i F.Sh. hamda ikki yasharlik qizi A.S.ning jasadlari topilgan.
S.D.ning yuzi, jag‘ va bo‘yin sohasida turli tan jarohatlari bo‘lgan holda topilgan. Voyaga yetmagan qizi A.S.da ham bo‘g‘ishga xos qotillik alomatlari bo‘lgan.
Xonadon omborxonasidan esa uy egasi bo‘lgan S.D.ning o‘z joniga qasd qilib, o‘zini o‘zi osib vafot etgan holdagi jasadi topilgan.
Holat yuzasidan JKning 97-moddasi 2-qismi (ikki yoki undan ortiq shaxsni qasddan o‘ldirish) “a” bandi bilan jinoyat ishi qo‘zg‘atilgan. Hozirda tergov harakatlari olib borilmoqda.
