06:29 28 Sentyabr 2020
Efir
  • RUB136.28
  • EUR12210.60
  • USD10315.62
Hodisalar
Havola olish
75210

Firibgar qoʻshiqchi Rayhonning uyiga ham oʻzi mebel yasab berganligini aytib, aktrisaning ishonchiga kirgan.

TOSHKENT, 13 yanv — Sputnik. Toshkentda aktrisa Luiza Rasulovani mebel yasovchisi 3 ming dollarga chuv tushirdi. Firibgarga nisbatan jinoyat ishi ochildi. Bu haqda Bosh prokuratura matbuot xizmati xabar qildi.

Qayd etilishicha, aktrisa Luiza Rasulova Chilonzor tuman IIO FMBga ariza bilan murojaat qilib, uni chuv tushirgan Elshod ismli shaxsga nisbatan qonuniy chora koʻrilishini soʻragan.

Elshod qoʻshiqchi Rayhonning uyiga ham oʻzi mebel yasab berganligini aytib, aktrisaning ishonchiga kirgan. Soʻngra u bilan oshxona mebellari yasab berishga kelishgan. Firibgar “xizmati” evaziga aktrisadan uch ming dollarni olib, shaxsiy ehtiyojlari uchun ishlatib yuborgan.

Ayni damda ayblanuvchiga nisbatan Oʻzbekiston Jinoyat kodeksining 168-moddasi 3-qismining “b” bandi bilan jinoyat ishi qoʻzgʻatilgan. Tergov harakatlari olib borilmoqda.

Asosiy mavzular