TOShKENT, 17 yanv - Sputnik. Kecha 16-yanvar kechqurun Navoiy shahrida joylashgan 4 qavatli savdo majmuasida kuchli yong‘in sodir bo‘ldi, deb xabar qilmoqda IIV Tergov departamenti matbuot xizmati.
"16 yanvar kuni soat taxminan 21:15da Navoiy shahridagi 4 qavatdan iborat bo‘lgan Navoiy savdo kompleksining 4-qavatida yong‘in kelib chiqqan. Natijada 150 kv.m. bo‘lgan 6 ta kiyim-kechak savdo do‘koni yonib yaroqsiz xolga kelgan, 14 ta savdo do‘koni esa zararlangan. Tan jarohati olgan fuqarolar va qurbonlar yo‘q", - deyilgan xabarda.
Ayni damda hodisa joyida tergov-tezkor guruhi ishlamoqda. Yong‘inning kelib chiqish sabablari o‘rganilmoqda.
