18:29 30 Mart 2020
Efir
  • RUB130.22
  • EUR10572.34
  • USD9520.34
Hodisalar
Havola olish
276 0 0

YPX inspektori fuqarodan jarima maydonchasiga joylashtirilgan “Matiz” mashinasini chiqarib berish uchun tamagirlik bilan 220 ming soʻm pora talab qilgan.

TOSHKENT, 10 fev — Sputnik. Toshkentda yoʻl-patrul xizmati inspektori fuqarodan pora olgan vaqtida ushlandi.  Bu haqda IIV YHXBB axborot xizmati xabar qildi.

Qayd etilishicha, 6 fevral kuni fuqaro U.A.ning huquqni muxofaza qiluvchi organlarga qilgan murojaatiga asosan tezkor tadbir oʻtkazilgan. Unda Toshkent shahar IIBB YHXB YPX brigadasi maxsus divizioni YPX inspektori A.B. fuqaro U.A.dan jarima maydonchasiga joylashtirilgan “Matiz” mashinasini chiqarib berish maqsadida tamagirlik yoʻli bilan 220 000 soʻm pullarni pora tariqasida olayotgan vaqtda ushlangan.

Mazkur holat yuzasidan YPX inspektori A.B.ga nisbatan Oʻzbekiston JKning 210-moddasi 1-qismi bilan jinoyat ishi qoʻzgʻatilgan.

Hozirda holat yuzasidan tergovoldi surishtiruv ishlari olib borilmoqda.

Asosiy mavzular