10:02 27 Fevral 2020
Efir
  • RUB148.82
  • EUR10329.35
  • USD9526.28
Hodisalar
Havola olish
699 0 0

Yaqinda Xitoydan qaytgan qoʻqonlik yigitning koronavirusdan vafot etganligi toʻgʻrisidagi xabar yuzasidan ijtimoiy tarmoqlarda haligacha muhokamalar davom etmoqda. Bu yuzasidan SSV matbuot kotibi bayonot berdi.

TOSHKENT, 13 fev — Sputnik. Sogʻliqni saqlash vazirligi Qoʻqonda Xitoydan qaytgan 20 yoshli talaba oʻlimi yuzasidan bayonot berdi.

Maʼlum boʻlishicha, joriy yil 5 fevral kuni Fargʻona viloyati Oʻzbekiston tumani Hayotobod qishlogʻida yashovchi, 2000 yilda tugʻilgan A.M. oʻzi istiqomat qiladigan uy hammomiga yuvinish uchun kirgan. Bir necha soat davomida qaytib chiqmagach, uning yaqinlari hammom eshigini buzib kirishgan. Yigit hammomda jonsiz holatda yotgan boʻlgan.

Yigit hammomdayoq hayotdan koʻz yumgan boʻlsa-da, yaqinlari uni Qoʻqon shahar shoshilinch tez tibbiy yordam boʻlimiga olib borgan. Qabul diagnostika boʻlimida reanimatologlar tomonidan jasad zudlik bilan koʻrilib,  biologik oʻlim allaqachon sodir boʻlganligi tasdiqlangan.

Bu haqda darhol huquqni muhofaza qiluvchi idoralarga xabar berilib,  jasad tekshirish uchun Qoʻqon shahar sud tibbiy ekspertizasiga yuborilgan.

“Dastlabki sud tibbiy ekspertiza xulosalariga koʻra, M. A.ning oʻlimi is gazidan zaharlanish oqibati boʻlib, ayni paytda Xitoyda tarqalgan koronavirus xastaligi bilan hech qanday bogʻliqlik alomatlari aniqlanmadi”, - deyilgan xabarda.

Talaba M.A. til oʻrganish maqsadida 2019 yil 15 noyabrda Xitoyga borib, joriy yil 31 yanvar kuni Janubiy Koreya orqali Oʻzbekistonga qaytgan.

U  mamlakatga qaytgach, Oʻzbekiston tumanida joylashgan 71-sonli qishloq oilaviy poliklinikasida tibbiyot xodimlari tomonidan koʻrikdan oʻtkazilgan. Ikki haftalik nazorat davomida unda hech qanday kasallik alomatlari aniqlanmagan.

Asosiy mavzular