“Falon so‘m yutdingiz”: IIV firibgarlardan ogohlantirdi

© REUTERS / Kacper Pempel/Files A man types on a computer keyboard
A man types on a computer keyboard  - Sputnik O‘zbekiston
Obuna bo‘lish
Ichki ishlar vazirligi fuqarolarni internet ijtimoiy tarmoqlarida e’lon qilinayotgan turli aksiyalarga ishonmaslikka chaqirmoqda.

TOShKENT, 16 fev — Sputnik. Ichki ishlar vazirligi fuqarolardan internet ijtimoiy tarmoqlarida e’lon qilinayotgan turli aksiyalarga ishonmasliklarini hamda notanish shaxslarga bank plastik kartalarining seriya raqamlari va kodlarini aytmasliklarini so‘ramoqda.

Idora xabarida yozilishicha, keyingi paytda fuqarolarni aldash va firibgarlik yo‘li bilan ularga tegishli bank plastik kartalaridan noqonuniy ravishda pul yechib olish holatlari avj olgan.

Ma’lum qilinishicha, Qoraqalpog‘istonning Beruniy tumanida yashovchi fuqaro M.B.ga telegramdagi “Jesco aksiyasi” guruhidan “Siz 75 ming so‘m pul yutdingiz, pulni telefon raqamingizga tashlab beramiz” degan sms xabari kelgan. Ushbu xabar orqali M.B.ning telefon raqami va plastik karta raqami aniqlanadi. Biroq uning plastik kartochkasiga pul mablag‘i tushmaydi, aksincha, 868 ming so‘m yechib olinadi.

Uzbekskaya valyuta - sum - Sputnik O‘zbekiston
Uchiga chiqqan firibgarlar: mashina olib beraman deb 700 kishining pulini yeb ketdi

Ikkinchi holat Farg‘ona viloyatida sodir bo‘lgan. Viloyatning Farg‘ona tumanida yashovchi fuqaro B.A. tuman IIB boshlig‘i nomiga ariza bilan murojaat qilgan. U o‘z arizasida 11-yanvar kuni noma’lum shaxs soat taxminan 21:15larda o‘ziga tegishli bo‘lgan plastik kartochkasidan ma’lum miqdordagi pulni noqonuniy yo‘l bilan yechib olganini bayon qilgan.

Tergovga qadar tekshiruv harakatlari davomida ma’lum bo‘lishicha,  fuqaro B.A. 11-yanvar kuni Samarqand shahridagi xonadonida bo‘lgan vaqtida o‘ziga tegishli oshxona mebelini sotish maqsadida uning suratini internet do‘koniga joylashtiradi.

Ko‘p o‘tmay, unga Rossiyaga tegishli bo‘lgan abonent raqamidan qo‘ng‘iroq bo‘ladi. Notanish kishi B.A.ga oshxona mebelini sotib olishini, pulni esa plastik kartaga o‘tkazib berishini aytadi. So‘ngra undan plastik kartochkasining seriya raqami va sms xabaridagi kodni so‘raydi. Natijada fuqaroning plastik kartasidan salkam 1,5 million so‘m pul mablag‘i yechib olinadi

Hozirda har ikkala holat yuzasidan jinoyat ishi qo‘zg‘atilgan.

Yangiliklar lentasi
0