06:56 27 May 2020
Efir
  • RUB121.10
  • EUR10637.67
  • USD9554.22
Hodisalar
Havola olish
COVID-19 umumjahon pandemiyasi (868)
471 0 0

Xalq deputatlari Qoʻqon shahar kengashi deputati telegramda 2 nafar shaxsda koronavirus kasalligi aniqlanganligi haqida yolgʻon maʼlumot tarqatgan.

TOSHKENT, 1 apr — Sputnik. Qoʻqon shahrida haqiqatga toʻgʻri kelmaydigan maʼlumotlarni tarqatgan deputatga nisbatan jinoyat ishi qoʻzgʻatildi. Bu haqda Bosh prokuratura matbuot kotibi xabar qildi.

Xabarda aytilishicha, 28 mart kuni 41 yoshli X.N. Xalq deputatlari Qoʻqon shahar kengashi deputati “Telegram”dagi guruhlar aʼzolariga Qoʻqon shahrida 2 nafar shaxsda koronavirus kasalligi aniqlanganligi va ular karantinga olinganligi haqida haqiqatga toʻgʻri kelmaydigan uydirma va yolgʻon maʼlumotlarni tarqatgan. Deputat ushbu xatti-harakati bilan Respublika Maxsus komissiyasining karantin qoidalarini qoʻpol ravishda buzgan.

Mazkur holat yuzasidan Qoʻqon shahar prokuraturasi Kengashdan rozilik olingan holda X.N.ga nisbatan  JKning 244-5-moddasi (Karantinli va inson uchun xavfli boʻlgan boshqa yuqumli kasalliklar tarqalishi haqida haqiqatga toʻgʻri kelmaydigan maʼlumotlarni tarqatish) bilan jinoyat ishi qoʻzgʻatgan.

Hozirda tergov harakatlari olib borilmoqda.

Eslatib oʻtamiz, karantin davrida inson uchun xavfli boʻlgan boshqa yuqumli kasalliklar tarqalishi haqida haqiqatga toʻgʻri kelmaydigan maʼlumotlarni tarqatish BHMning 200 baravarigacha (44, 600 mln soʻm) jarima jazosiga tortishga, 300 soatgacha majburiy jamoat ishlari va 2 yilgacha axloq tuzatish ishlari bilan jazolashga sabab boʻladi. Shuningdek, ushbu harakatlarni sodir etgan shaxs 300 soatdan 360 soatgacha majburiy jamoat ishlari, 2 yildan 3 yilgacha axloq tuzatish ishlari, 3 yilgacha ozodlikni cheklash va 3 yilgacha ozodlikdan mahrum qilish jazosi bilan jazolanadi.

Mavzu:
COVID-19 umumjahon pandemiyasi (868)

Asosiy mavzular