08:16 30 Sentyabr 2020
Efir
  • RUB132.07
  • EUR12003.57
  • USD10321.21
Hodisalar
Havola olish
421 0 0

Eslatib oʻtamiz, 1 may kuni tong sahar Sardoba suv ombori toʻgʻonining bir qismi oʻpirilib, yondosh tumanlardagi mahallalar va dalalarni suv bosgan edi.

TOSHKENT, 16 may - Sputnik. Sardobada toʻgʻon oʻpirilishi oqibatida 6 kishi - 2 ayol, 4 erkak halok boʻlgan, bir kishi bedarak yoʻqolgan. Bu haqda Oʻzbekiston FBB Xalqaro press-klubning Sirdaryo viloyatidan “Sardoba-2020: sinov, birdamlik, mehnat, sifat” mavzuidagi efiri davomida maʼlum qildi.

Eslatib oʻtamiz, 1 may kuni tong sahar Sardoba suv ombori toʻgʻonining bir qismi oʻpirilib, yondosh tumanlardagi mahallalar va dalalarni suv bosgan edi.

Ushbu favqulodda vaziyat oqibatida Sardoba, Mirzaobod va Oqoltin tumanlarida 2 ming 570 ta uy-hovli, 76 ta koʻp qavatli uy yaroqsiz holga kelgan edi. Shuningdek, 1 ming 781 hovli, 52 ta koʻp qavatli turar joy qisman zararlangan. 70 ta ijtimoiy obʼyekt, 20 ming gektarga yaqin ekin maydoni, 828 kilometr yoʻl, elektr, gaz, ichimlik suv, aloqa tarmoqlariga talafot yetgan. Tezkor chora-tadbirlar natijasida tumanlardagi 28 ta mahalladan 90 mingga yaqin fuqaro xavfsiz hududlarga evakuatsiya qilingan edi.

Zarar koʻrgan 4,5 mingga yaqin xonadon egalarining har biriga: 40 mln. soʻmlik moddiy yordam; televizor, muzlatgich, kir yuvish mashinasi, minipech, elektr choynak va dazmol kabi maishiy texnikalardan iborat sovgʻalar topshirilmoqda.

Uy-joyi butunlay yaroqsiz holga kelib qolgan aholi uchun 3 ta massivda jami 2 ming 640 kvartirali 66 ta 5 qavatli uy qurilishi rejalashtirilgan. Taʼmirlanadigan va yangi quriladigan uylar davlat tomonidan bepul qurib-taʼmirlab beriladi.

1 sentyabrgacha odamlar yangi uylarga va oʻzlarining taʼmirlangan hovli-joylariga toʻliq koʻchib oʻtadi. Shu bilan birga, uylari zararlangan odamlarning ilgarigi hovlilari ham oʻzlarida qoladi.

Uchta tumanda 1 ming 800 ga yaqin beton panelli kottejlar zamonaviy taʼmirlanib topshiriladi.

Asosiy mavzular