00:46 28 Sentyabr 2020
Efir
  • RUB136.28
  • EUR12210.60
  • USD10315.62
Hodisalar
Havola olish
668 0 0

Fuqaro karantin qoidalariga zid ravishda ommaviy iftorlik marosimini oʻtkazgan. Voqea joyiga kelgan organ xodimlariga tayoq va temir bilan tan jarohati yetkazib, mashinalarining oynalarini sindirib tashlagan.

TOSHKENT, 17 may — Sputnik. Surxondaryo viloyatida karantin qoidalarini qoʻpol ravishda buzgan va hokimiyat vakiliga qarshili koʻrsatgan shaxslar ustidan jinoyat ishi ochildi.

Bosh prokuratura matbuot kotibining maʼlum qilishicha, 14 may kuni Sherobod tumanida yashovchi fuqaro B.D. karantin qoidalariga zid ravishda yashash uyiga qarindosh-urugʻlari va qoʻni–qoʻshnilarini yigʻib “Taroveh namozi” hamda ommaviy iftorlik marosimini oʻtkazgan.

Voqea joyiga yetib borgan tuman IIB va mahalla fuqarolar yigʻini vakillari ushbu qoidabuzarlik uchun B.D.ga nisbatan maʼmuriy bayonnoma rasmiylashtirmoqchi boʻlgan vaqtda jami 4 nafar farzand va nabiralari IIB xodimlariga faol qarshilik koʻrsatgan.

Jumladan, ular tuman IIB XPB profilaktika inspektori va mahalla fuqarolar yigʻini raisiga tan jarohati yetkazib, qoʻllarida boʻlgan temir jismlar bilan Ichki ishlar xodimiga tegishli avtomashina old oynalarini urib sindirgan.

Soʻngra ushbu holat boʻyicha voqea joyiga yetib kelgan tuman IIB tezkor tergov guruhi xodimlariga ham faol qarshilik koʻrsatishgan. Qoʻllaridagi tayoq va temir jismlar bilan IIB xodimlariga tan jarohati, navbatchilik qismining avtomashinasining oynalarini urib sindirishgan.

Mazkur holat yuzasidan JKning 219-moddasi (Hokimiyat vakiliga yoki fuqaroviy burchini bajarayotgan shaxsga qarshilik koʻrsatish) bilan jinoyat ishi qoʻzgʻatilgan.

Tergov harakatlari olib borilmoqda.

Asosiy mavzular