TOShKENT, 3-iyun — Sputnik. Andijonda haj safari va chet davlatga ishga jo‘natish bahonasida fuqarolarni chuv tushirgan firibgarlar to‘dasi aniqlandi. Bu haqda Bosh prokuratura matbuot kotibi xabar qildi.
Bosh prokuratura huzuridagi Departamentning Asaka tuman bo‘limi tergovga qadar tekshiruv o‘tkazgan. Unda fuqaro B.A. va boshqalar oldindan til biriktirib, bir necha fuqarolarning ishonchiga kirgani aniqlangan.
Ularni haj safariga va xorijiy davlatlarga ishga yuborish evaziga 31 500 dollar va 2,5 mln. so‘m pullarini firibgarlik yo‘li bilan qo‘lga kiritishgan.
Mazkur holat yuzasidan B.A. va boshqalarga nisbatan JKning 168-moddasi bilan jinoyat ishi qo‘zg‘atilgan.
Hozirda tergov harakatlari o‘tkazilmoqda.
