TOShKENT, 5 avg — Sputnik. Sirdaryo viloyati Oqoltin tumanida ko‘p qavatli uylarning qurilishida 1,5 mlrd so‘m budjet mablag‘lari talon-toroj qilingani aniqlandi. Bu haqda Bosh prokuratura matbuot xizmati xabar qildi.
Ma’lum qilinishicha, Bosh prokuratura huzuridagi Departamentning Oqoltin tuman bo‘limi tergovga qadar tekshiruv o‘tkazgan. Unda “Qishloq qurilish invest” MChJ IK va “S.S.” MChJ mansabdori Oqoltin tumani “Ko‘rkam diyor” massivida 1 ta ko‘p qavatli uy-joyning qurilganligi haqidagi hujjatlarga haqiqatda bajarilmagan 949 mln so‘mlik qurilish-ta’mirlash ishlarini qo‘shib yozishgan. Shu yo‘l bilan budjet mablag‘larini talon-toroj qilishgan.
Shuningdek, “Y.N” MChJ ham massivdagi 1 ta ko‘p qavatli
uy-joyning qurilganligi haqidagi hujjatlarga haqiqatda bajarilmagan 586 mln so‘mlik qurilish-ta’mirlash ishlarini qo‘shib yozgan.
Mazkur holatlar yuzasidan “Qishloq qurilish invest” MChJ IK Sirdaryo viloyati filiali mansabdor shaxslari va jamiyat rahbarlariga nisbatan Jinoyat kodeksining 167-moddasi 3-qismi “a” bandi bilan (o‘zlashtirish yoki rastrata yo‘li bilan talon-toroj qilish) jinoyat ishi ochilgan.
Tergov harakatlari o‘tkazilmoqda.
