TOShKENT, 20 avg - Sputnik. Farg‘ona shahrida, ikki kishidan iborat jinoiy guruh katta miqdordagi mablag‘larni talon-taroj qilgani aniqlandi, deb xabar qilmoqda Bosh prokuratura huzuridagi Tergov departamenti.
Tekshiruvda ma’lum bo‘lishicha "X" xususiy korxonasi rahbari N.I. bankdan ajratilgan 4,5 milliard kreditni fuqaro A.Sh.ning plastik kartasiga o‘tkazib talon-taroj qilgan.
Xususan, mablag‘ning 820 mln so‘mni uchinchi tomon kreditini qoplashga, qolganini esa - naqdlashtirib 47 dona turli rusumdagi yengil avtomashinalarni sotib olishga sarflangan.
Ushbu ish yuzasidan Jinoyat kodeksining 167-moddasi 3-qismi “a” bandi va 243-moddasi bilan jinoyat ishi qo‘zg‘atilib, tergov harakatlari o‘tkazilmoqda. (Katta miqdordagi mablag‘larni o‘zlashtirish va talon-taroj qilish, Noqonuniy daromadlarni legallashtirish)
