16:07 27 Sentyabr 2020
Efir
  • RUB136.28
  • EUR12210.60
  • USD10315.62
Hodisalar
Havola olish
290 0 0

Xizmat vazifasini oʻtayotgan vaqtda Lacetti urib yuborgan 30 yoshli YPX inspektori jonlantirish boʻlimida vafot etdi.

TOSHKENT, 4 sen - Sputnik. Toshkentning Mirobod tumanida sodir boʻlgan YTHda jarohat olgan YPX inspektori kasalxonada vafot etdi deb xabar qilmoqda IIBB matbuot xizmati. 

Xabarda aytilishiga koʻra, voqea 1 sentyabr kuni soat 19.00da sodir boʻlgan. Mirobod tumani Shahrisabz koʻchasida xizmat olib borayotgan YPX inspektori katta serjant Salim Umarov “Grand Mir” mehmonxonasi yaqinida hujjatlarni tekshirish maqsadida “Captiva”  rusumli avtomobilni toʻxtatigan. Katta serjant hujjatlarni haydovchiga qaytarib, transport vositasini aylanib oʻtib yoʻl cheti tomon yurgan.

"Shu vaqtda 19 yoshli Temurbek M. boshqaruvida boʻlgan “Lacetti” avtomobili Mirobod koʻchasidan chiqib, boshqaruvni yoʻqotgan va yoʻl chetida toʻxtab turgan “Captiva” avtomobiliga toʻqnashgach, inertsiya tufayli harakatni davom ettirib, YPX xodimini urib yuborgan", - deyiladi xabarda.

YTH oqibatida 30 yoshli YPX inspektori katta serjant Salim Umarov badan shikastlari bilan shifoxonaning jonlantirish boʻlimiga joylashtirilgan edi.

Boʻlib oʻtgan hodisa yuzasidan tergov ishlari olib borilmoqda. Hujjatlar qonuniy chora koʻrilishi uchun prokuraturaga yoʻnaltiriladi.

V Tashkente voditel sbil sotrudnika DPS - foto
GUVD
V Tashkente voditel sbil sotrudnika DPS - foto

Asosiy mavzular