20:57 26 Sentyabr 2020
Efir
  • RUB136.28
  • EUR12210.60
  • USD10315.62
Hodisalar
Havola olish
83630

“Bezorilik” moddasi bilan ochilgan jinoyat ishi JPKning 84-moddasi 5-qismi 2-bandiga asosan tugatilgan.

TOSHKENT, 13 sen — Sputnik. Namanganda ikki erkakni doʻpposlagan Gulsanam Alijonovaga nisbatan jinoyat ishi tugatildi. Bu haqda viloyat IIB matbuot xizmati xabar qildi.

Xabarda yozilishicha, Norin tuman IIB huzuridagi Tergov boshqarmasi tomonidan unga nisbatan Oʻzbekiston Jinoyat-protsessual kodeksining 84-moddasi 5-qismi 2-bandiga asosan jinoyat ishini toʻxtatish toʻgʻrisida qaror qabul qilingan.

Eslatib oʻtamiz, avvalroq Gulsanam Alijonovaga nisbatan JKning 277-moddasi 3-qismi “g” bandi (jamoat tartibini saqlash vazifasini bajarib turgan hokimiyat vakili yoki jamoatchilik vakiliga yoxud bezorilik harakatlarining oldini olish chorasini koʻrgan boshqa fuqarolarga qarshilik koʻrsatib sodir etilgan bezorilik) bilan jinoyat ishi ochilgan edi.

Keyinchalik maʼlum boʻlishicha, u opasini kuzatishga chiqqanida kalta shorti va futbolkada boʻlgani uchun masxara qilgan yigitlarga javob qaytargan va shaʼnini himoya qilgan.

Gulsanam Alidjonova
Gulsanam Alidjonova

Gulsanam 23 yoshda, hozirda Namangan davlat universitetining jismoniy madaniyat yoʻnalishi sirtqi boʻlimida, 3-bosqichda tahsil oladi. Oilada 6 nafar farzandning kenjasi. Boks, karate bilan shugʻullangan. Ikki yildan beri taekvondo WTF boʻyicha mashgʻulotlarga qatnashadi. Shu yoʻnalishda Oʻzbekiston birinchiligi sovrindoridir.

U soʻnggi paytlarda volontyorlikda ham  oʻzini sinab koʻrgan. Norin tumani homiylik xayriyalarini muvofiqlashtirish markazida murojaatlarni qabul qilish, roʻyxatga olish, oziq-ovqat mahsulotlarini ehtiyojmand oilalarga yetkazish bilan mashgʻul boʻlgan.

Asosiy mavzular