20:15 26 Oktyabr 2020
Efir
  • RUB133.19
  • EUR12153.63
  • USD10371.76
Hodisalar
Havola olish
395 0 0

Internetda Toshkentda bir guruh yoshlar ishtirokidagi janjal aks etgan video tarqaldi. Videoda ayrimlarining qoʻlida pichoq va elektroshoker borligini koʻrish mumkin.

TOSHKENT, 28 sen — Sputnik. Toshkent shahar IIBB internet tarmoqlarida tarqalgan “Toshkentda reperlar oʻrtasida ishkal” deb nomlangan video boʻyicha rasmiy maʼlumot berdi.  

Aniqlanishicha, ushbu holat joriy yilning 26 sentyabr kuni soat 15.30 larda Yunusobod tumanidagi “Zarafshon” savdo-koʻngilochar markazi yonida sodir boʻlgan. 

Yaqin oʻrtada xizmat olib borayotgan ichki ishlar organlari xodimlari janjalni koʻrib, zudlik bilan hodisa joyiga yetib borgan, biroq janjal ishtirokchilari ichki ishlar organlari xodimlarini koʻrib qochib ketishgan. 

Hozirda holat yuzasidan tergovga qadar tekshiruv harakatlari olib borilib, janjal ishtirokchilarining shaxsiga aniqlik kiritilmoqda.

Taʼkidlanishicha, mazkur holat Toshkent shahar IIBB rahbariyati tomonidan nazoratga olingan va tekshiruv yakuni boʻyicha qoʻshimcha maʼlumot beriladi.

Asosiy mavzular