18:44 28 Noyabr 2020
Efir
  • RUB136.69
  • EUR12344.73
  • USD10414.86
Hodisalar
Havola olish
327 0 0

Samarqandda 12 nafar shaxsdan fuqarolik pasportini olib qoʻyib, ular fohishalik bilan shugʻullanishga majbur qilgan ayol qoʻlga olindi.

TOSHKENT, 29 okt — Sputnik. Samarqandda 12 nafar shaxsdan fuqarolik pasportini olib qoʻyib, ular fohishalik bilan shugʻullanishga majbur qilgan ayol qoʻlga olindi.

2018 yil avgust oyidan joriy yilning oktyabr oyiga qadar boʻlgan vaqt oraligʻida 44 yoshli O.K., Samarqand shahrida joylashgan uylarning birida K.U., R.E., A.A., K.A., M.F., L.M., M.SH., G.M., M.R., H.S., D.R. va Z.B., larga ijaraga boshpana berishni vaʼda qilib, ularni fuqarolik pasportlarini gʻayriqonuniy ravishda egallab, oʻziga qaram qilib, tungi vaqtda Samarqand shahar Roʻdakiy koʻchasi va boshqa joylarida fohishalik bilan shugʻullanishlariga majburlab, ularni zoʻrlik bilan ishlatib, har biridan kunlik 200.000 soʻmdan 500.000 soʻmgacha pullarni topish maqsadida foydalanib, ushbu yoʻl bilan topilgan pullarni oʻzida saqlab, shaxsiy ehtiyojlari uchun sarflagan.

Mazkur holat yuzasidan Samarqand shahri boʻyicha IIO FMB huzuridagi Tergov boʻlinmasi tomonidan O.K., ga nisbatan Oʻzbekiston Respublikasi Jinoyat kodeksining 135-moddasi 2-qismi “B” bandi (odam savdosi) bilan jinoyat ishi qoʻzgʻatilgan boʻlib, oʻtkazilgan tintuv tergov harakati davomida yuqoridagi shaxslarning fuqarolik pasportlari tegishli tartibda hujjatlashtirib olingan.

Hozirda O.K., jinoyat ishi doirasida JKning 135-moddasi 2-qismi “B,i” bandlari bilan ayblanuvchi tariqasida jalb qilinib, unga nisbatan “qamoqqa olish” ehtiyot chorasi tanlangan.

Jinoyat ishi yuzasidan tergov harakatlari davom etmoqda. 

Asosiy mavzular