09:25 23 Yanvar 2021
Efir
  • RUB142.66
  • EUR12682.88
  • USD10500.81
Hodisalar
Havola olish
454 0 0

Oʻgay ona oʻn olti yoshga toʻlmagan shaxsga nisbatan uyatsiz-buzuq harakatlar qilish va qiynashda ayblanmoqda.

TOSHKENT, 21 dek — Sputnik. Sirdaryo viloyati Shirin shahar hokimligi 15 yoshli voyaga yetmagan qiz X.A.ning videomurojaatiga munosabat bildirdi. Qiz oʻz murojaatida oʻgay onasi unga yomon munosabatda boʻlayotgani, koʻp hollarda doimiy ruhiy bosim oʻtkazib, kaltaklab kelayotganini maʼlum qilgan.

Hokimlik xabariga koʻra, X.A ning buvisi R.M. Shirin shahar IIBga ariza bilan murojaat qilib, X.A.ning oʻgay onasi N.Z. uni urib tan jarohati yetkazganligi uchun qonuniy chora koʻrilishini soʻragan.

Ushbu murojaatga asosan tergovga qadar tekshirish oʻtkazilib, X.A.ga “sogʻliqning qisqa muddati buzilishiga sabab boʻlmagan yengil shikast” yetkazganligi sababli Oʻzbekiston Maʼmuriy javobgarlik toʻgʻrisidagi kodeksning 52-moddasi 2-qismi bilan Maʼmuriy ishlar boʻyicha Shirin shahar sudiga yuborilgan. 

Ishni sudda koʻrish vaqtida X.A. koʻrsatmalarini oʻzgartirib, oʻgay onasi uni muntazam ravishda qiynab, uyatsiz buzuq harakatlar sodir etganini bayon etgan. Shu sababli ish holatiga aniqlik kiritish maqsadida holat yuzasidan Jinoyat kodeksining 129-moddasi 1-qismi bilan jinoyat ishi qoʻzgʻatilgan.

Mahalla tizimi xodimlari bilan suhbatda N.Z. oʻgay qizini uy yumushlarida aytganlarini qilmaganligi uchun shu tarzda “tarbiyalaganligini” iddao qilib, afsusdaligini bildirgan.

Hozirgi kunda qizning oʻgay onasi N.Z. ga nisbatan JKning 129-moddasi (Oʻn olti yoshga toʻlmagan shaxsga nisbatan uyatsiz-buzuq harakatlar qilish) va 110-moddalari (Qiynash) bilan ayblov eʼlon qilingan.

Tergov harakatlari yakunlanmoqda. 

Asosiy mavzular