02:21 27 Yanvar 2021
Efir
  • RUB139.72
  • EUR12798.46
  • USD10518.99
Hodisalar
Havola olish
185 0 0

Byudjet mablagʻlarini talon-taroj qilish bir yil davomida 1,7 baravarga oʻsgan. Oʻtgan yili vazirliklardan 246 milliard soʻm “yoʻqolib qolgan”.

TOSHKENT, 13 yanv — Sputnik. Moliya vazirligi 2020 yilda byudjet mablagʻlarini maqsadli sarflanishi yuzasidan amalga oshirilgan nazorat ishlari toʻgʻrisida maʼlumot berdi.

Davlat moliyaviy nazorati departamenti va uning hududiy boshqarmalari bu borada 4 729 ta (2019 yilda 8 074 ta) nazorat tadbirlarini oʻtkazgan.  

Unda 246 mlrd (2019 yilda 142,6 mlrd soʻm ) soʻm miqdorida byudjet intizomi buzish, pul va tovar-moddiy boyliklar kamomadi va asossiz xarajatlar aniqlanib, shundan 168,8 mlrd soʻmni byudjetga tiklanishi taʼminlandi. 

Qonunbuzilish holatlari va boshqa xato-kamchiliklar eng koʻp Xalq taʼlimi vazirligi tizimida kuzatilgan. Oʻtkazilgan 709 ta nazorat tadbirlarining 573 tasida 96,6 mlrd soʻm miqdorida qonunbuzilish holatlari aniqlanib, 2019 yilga nisbatan 3,2 martaga oshgan.

Shuningdek, Sogʻliqni saqlash vazirligi tizimida oʻtkazilgan 723 ta nazorat tadbirlarining 523 tasida 40 mlrd soʻm miqdorida qonunbuzilish holatlari aniqlanib, 2019 yilga (13,8 mlrd soʻm) nisbatan 2,9 martaga oshgan.

Maktabgacha taʼlim vazirligi tizimida oʻtkazilgan 327 ta nazorat tadbirlarining 270 tasida 16,7 mlrd soʻm miqdorida qonunbuzilish holatlari aniqlanib, 2019 yilga (8,3 mlrd soʻm) nisbatan 2 martaga oshgan.

Uy-joy kommunal xizmat koʻrsatish vazirligi tizimida oʻtkazilgan 124 ta nazorat tadbirlarining 106 tasida 9,4 mlrd soʻm miqdorida qonunbuzilish holatlari aniqlanib, 2019 yilga (1,1 mlrd soʻm) nisbatan 8,5 martaga oshgan.

Bundan tashqari, Madaniyat (6,8 mlrd soʻm), Suv xoʻjaligi (5,6 mlrd soʻm), Oliy va oʻrta maxsus taʼlimi (5 mlrd soʻm), Jismoniy tarbiya va sport (4,1 mlrd soʻm), Qishloq xoʻjaligi (3,1 mlrd soʻm) vazirliklari va ular tizimidagi byudjet tashkilotlarida ham yirik miqdorda moliyaviy qonunbuzilish holatlari aniqlangan.

“Oʻzbekkino” milliy agentligida oʻtkazilgan nazorat tadbirlarida 17,9 mlrd soʻm miqdorida moliyaviy qonunbuzilish holatlariga yoʻl qoʻyilganligi aniqlangan.

Asosiy mavzular