12:49 03 Mart 2021
Efir
  • RUB141.85
  • EUR12661.56
  • USD10517.12
Hodisalar
Havola olish
596 0 0

Bogʻcha mudirasi va boshqalar bilan til biriktirib, 2014-2020 yillar davomida amalda bogʻchada ishlamaydigan 37 nafar, shu jumladan, 4 nafar yaqin qarindoshini ishga qabul qilgan.

TOSHKENT, 24 yanv — Sputnik. Toshkent viloyati Zangiota tumanidagi 16-sonli maktabgacha taʼlim tashkilotida 983,5 mln soʻm byudjet mablagʻlari talon-toroj qilingani aniqlandi. Bu haqda Bosh prokuratura matbuot xizmati xabar qilmoqda.

Bosh prokuratura huzuridagi Departamentning Zangiota tumani boʻlimi maktabgacha taʼlim vazirligi mutaxassislari bilan hamkorlikda ushbu bogʻchada tekshirish oʻtkazilgan.

Tekshirishda bogʻcha mudirasi va boshqalar oldindan til biriktirib, 2014-2020 yillar davomida amalda bogʻchada ishlamaydigan 37 nafar, shu jumladan, 4 nafar yaqin qarindoshini ishga qabul qilgani aniqlangan. Xodimlarning mehnat faoliyati boʻyicha shtat jadvallari va buxgalteriya tabellariga soxta maʼlumotlar kiritish orqali hujjatlarni qalbakilashtirilgan. Bu yoʻl bilan 983,5 mln. soʻm byudjet mablagʻlari talon-toroj qilingan.

Mazkur holat yuzasidan bogʻcha mudirasi va boshqalarga nisbatan Jinoyat kodeksining tegishli moddalari bilan jinoyat ishi qoʻzgʻatilgan.

Tergov harakatlari oʻtkazilmoqda.

Eslatib oʻtamiz, avvalroq Moliya vazirligi 2020 yilda byudjet mablagʻlarini maqsadli sarflanishi yuzasidan amalga oshirilgan nazorat ishlari toʻgʻrisida maʼlumot bergan edi. Unga koʻra, maktabgacha taʼlim vazirligi tizimida oʻtkazilgan 327 ta nazorat tadbirlarining 270 tasida 16,7 mlrd soʻm miqdorida qonunbuzilish holatlari aniqlangan.

Asosiy mavzular