10:11 25 Fevral 2021
Efir
  • RUB141.09
  • EUR12773.52
  • USD10549.65
Hodisalar
Havola olish
775 0 0

Surxondaryo viloyati IIB YHXB xodimlari xizmat yuzasidan Toshkent viloyatiga kelishgan vaqtida besh kishi ularning mashinalari oldida raqsga tushib, uyatli xatti-harakatlar sodir etgan.

TOSHKENT, 31 yanv — Sputnik. Toshkent viloyatida Surxondaryo viloyati IIB YHXB xodimlarining xizmat mashinalari oldida raqsga tushib, uyatli xatti-harakatlar sodir etgan kishilarga chora koʻrildi. Bu haqda IIV YHXBB axborot xizmati xabar qildi.

Hodisa 28 yanvar kuni soat 20:00larda Olmaliq shahridagi Metallurg koʻchasida joylashgan “Hilol” mehmonxonasi oldida roʻy bergan.

Ikkita “Lasetti” maxsus xizmat avtomobillari oldida 38 yoshli YE.CH. va har biri 17 yoshli boʻlgan B.U., B.M., B.R. va O.M.lar turli oʻyinlarga tushib, uyatli xatti-harakatlar qilishgan. Keyin buni videoga olib, ijtimoiy tarmoqda tarqatib yuborishgan.

Surishtiruv ishlari olib borilgan va toʻplangan hujjatlar koʻrib chiqishlik uchun Jinoyat ishlari boʻyicha Olmaliq shahar sudiga yuborilgan.

Sud fuqaro YE.CH.ni Oʻzbekiston Maʼmuriy javobgarlik toʻgʻrisidagi kodeksning 183-modda (mayda bezorilik)sida koʻrsatilgan huquqbuzarlikni sodir etgan deb topdi va unga 15 (oʻn besh) sutka maʼmuriy qamoq jazosini tayinladi.

Voyaga yetmagan 4 nafar bolalarning onalariga nisbatan ushbu kodeksning 47-modda (bolalarni tarbiyalash va ularga taʼlim berish borasidagi majburiyatlarni bajarmaslik)si 1-qismi tartibida har biriga bazaviy hisoblash miqdorining 3 (uch) baravari miqdorida jarima jazosi qoʻllandi. Voyaga yetmagan shaxslar esa Olmaliq shahar 20-sonli IDUM ichki roʻyxatiga olingan.

Asosiy mavzular