00:30 01 Mart 2021
Efir
  • RUB141.09
  • EUR12773.52
  • USD10549.65
Hodisalar
Havola olish
298 0 0

Mirzaobod tumanida "layk yigʻish" uchun ichki ishlar xodimi kiyimini kiyib raqs tushgan yigit va uni videotasvirga olgan voyaga yetmagan bolaga chora koʻrildi.

TOSHKENT, 7 fev — Sputnik. Sirdaryo viloyati Mirzaobod tumanida ichki ishlar xodimi kiyimini kiyib raqs tushgan yigit va uni videotasvirga olgan voyaga yetmagan bolaga chora koʻrildi.

Mirzaobod tumanining “Bogʻiston” mahallasida joylashgan avtomobillarni yuvish shoxobchasida ishchi boʻlib ishlab kelgan 25 yoshli Hasan Doʻstov ichki ishlar xodimlarining xizmat kiyimini kiyib jamoat joyida yurish-turish va odob axloq qoidasini buzgan. Tanishi voyaga yetmagan Diyorbek bilan nojoʻya xatti-harakatlarni tasvirga olib, uni ijtimoiy tarmoqlarga tarqatib yuborgan.

Ushbu fuqarolarning shaxsi aniqlandi. Holat yuzasidan Hasan Doʻstovga Maʼmuriy javobgarlik toʻgʻrisidagi kodeksining 183-moddasi (mayda bezorilik) hamda 209-1-moddasi (xizmat kiyimini ruxsatsiz belgilanmagan tartibda kiyish) bilan ayblov eʼlon qilindi.

Sudda yigitlarning xatti-harakatiga qonuniy baho berildi. Sud Hasan Doʻstovga 8 sutka maʼmuriy qamoq jazosi tayinlandi.

Uning sherigi Diyorbekning ishi Mirzaobod tumani hokimligi huzuridagi voyaga yetmaganlar bilan ishlash komissiyasida koʻrib chiqiladigan boʻldi.

“Layk yigʻish edi maqsadimiz, qilgan ishimdan pushaymonman”, – deydi Diyorbek.

Eslatib oʻtamiz, avvalroq Toshkent viloyatida Surxondaryo viloyati IIB YHXB xodimlarining xizmat mashinalari oldida raqsga tushib, uyatli xatti-harakatlar sodir etgan kishilarga chora koʻrilgani xabar qilingan edi.

Asosiy mavzular