Rossiyadan 5,5 mingdan ziyod migrant deport qilindi

© Sputnik / Igor Ageyenko / Mediabankka o‘tishDeportatsiya qilingan migrantlar
Deportatsiya qilingan migrantlar - Sputnik O‘zbekiston
Obuna bo‘lish
Huquqni muhofaza qilish organi xodimlari tomonidan 362ta jinoiy ish qo‘zg‘atilgan va migratsiya qonunchiligini buzganligi uchun migrantlardan umumiy hisobda 36 million rubl miqdorida jarima undirilgan.

TOShKENT, 15-iyun — Sputnik. Moskva shahrida 5-25 may sanasi oralig‘ida "Nolegal-2016" va "To‘siq-2016", tozalash profilaktik operatsiyalari o‘tkazilgan edi. Sputnik Tojikiston xabari asosida.

Virtual nikoh. - Sputnik O‘zbekiston
Rossiyada migrantlar bilan soxta nikohdan o‘tish holati avj olmoqda
Rossiya IIV RB Moskva shahar bo‘yicha rahbari Anatoliy Yakuninning so‘zlariga ko‘ra, operatsiyalar doirasida migratsiya qonunchiligida 14 mingta qonunbuzarlik holatlari sodir etilgani aniqlangan, 150 nafar jinoyatchi qo‘lga olingan va 4 etnik guruh faoliyatiga chek qo‘yilgan.

"Ushbu operatsiyalar davomida har kuni besh yarim mingga yaqin politsiyachi, 1350ga yaqin tezkor-qidiruv guruhi hodimlari ish olib borishdi.  Operatsiya davomida bozorlar, savdo markazlari, avtomobil sozlash shahobchalari, garaj majmualari, yashash joylari hamda vaqtincha bo‘sh inshootlar ko‘rikdan o‘tkazildi, umumiy hisobda 36 mingga yaqin obyektlar tekshirildi”, — deyiladi materialda.

Huquqni muhofaza qilish organlari xodimlari tomonidan 362ta jinoiy ish qo‘zg‘atilgan, umumiy hisobda 36 milliondan ziyod jarima undirilgan.

Shuningdek, Rossiya Federatsiyasidan 5,5 mingdan ziyod nolegal migrantlar chiqarib yuborilgan.

Yangiliklar lentasi
0