TOShKENT, 5-may — Sputnik. Rossiyadagi podshipniklar ishlab chiqaruvchi zavod O‘zbekistondan ikki mingga yaqin ishchi va mutaxassislarni ishga yollashga qaror qildi.
Xabarga ko‘ra, 3-4 may kunlari Rossiyaning Vologod shahridagi podshipnik zavodi rahbari Viktor Popov 200 nafarga yaqin o‘zbekistonliklar bilan suhbat o‘tkazgan.
"3-4 may kunlari podshipnik zavod rahbari Popov bilan suhbat bo‘lib o‘tdi. Endi ish beruvchi tomondan suhbat bo‘lib o‘tadi, suhbatdan o‘tgan fuqarolar zavodga ishga jo‘natiladi", — dedi agentlikka suhbatdosh.
Eslatib o‘tamiz, joriy yil fevral oyi oxirida O‘zbekistonning Moskvadagi elchixonasida Tashqi ishlar mehnat migratsiyasi agentligi vakillari bilan uchrashuv o‘tkazilgan edi. Mana shu uchrashuv chog‘ida agentlik Rossiyaning bir qancha regionlarida bo‘lib, bir nechta mehnat shartnomalarini imzolashga muvaffaq bo‘lishgan.
Bizning Telegramdagi o‘zbekcha kanalimizga obuna bo‘ling va eng yangi xabarlarni birinchi bo‘lib o‘qing.
