TOShKENT, 4 sen — Sputnik. Rossiya Federal Kengashi tomonidan xorijiy fuqarolarni "nomaqbul xatti-harakatlar uchun" Rossiyadan chiqarib yuborish chorasini qo‘llash tartibi to‘g‘risida qonun loyihasi ishlab chiqilmoqda. Bu haqda "Izvestiya" gazetasi ma’lum qildi.
"Ushbu qonun Rossiya jismoniy va yuridik shaxslariga nisbatan ham qo‘llanilishi mumkin. Faqat ular uchun "nomaqbul hatti-harakatilar" ma’muriy yoki jinoiy javobgarlikni keltirib chiqaradi, xorijiy fuqarolarga nisbatan esa — Rossiyadan chiqarib yuborish chorasi qo‘llaniladi. Hozirgi kunda qonun loyihasi bo‘yicha muhokama jarayonlari bo‘lib o‘tmoqda", — dedi Rossiya Federal Kengash xalqaro ishlar bo‘yicha qo‘mitasi raisi o‘ribosari Andrey Klimov.
"Nomaqbul xatti-harakatlar" deganda Rossiyaning milliy xavfsizligiga qarshi faoliyat yuritish nazarda tutiladi. Millatlararo, dinlararo, siyosiy guruhlararo nizo chiqarishga qaratilgan hatti-harakatlar ham shular jumlasidandir. Shuningdek, saylov jarayonlariga aralashish, ta’lim maskanlari va yoshlar bilan "tashqaridan turib ishlash" ham milliy xavfsizlikka tahdid solish deb baholanadi.
Qonun loyihasi Rossiya Davlat Dumasiga 2018-yil boshlarida ko‘rib chiqish uchun taqdim etiladi.
