18:30 21 Aprel 2018
Efir
Samolet v aeroportu

Vologda viloyatidan 8 nafar muhojir oʻz davlatlariga qaytarildi

© Sputnik / Vladimir Sergeyev
Migratsiya
Havola olish
47020

Sud 8 nafar muhojir Rossiya Maʼmuriy javobgarlik kodeksining "Xorijiy fuqarolar yoki fuqaroligi boʻlmagan shaxslar tomonidan Rossiyaga kirish va u yerda boʻlish tartibini buzish" haqida huquqbuzarlik sodir etishgan deb topdi

TOSHKENT, 14 dek — Sputnik. Vologda viloyati sud ijrochilari tomonidan 8 nafar muhojirni Rossiya hududidan chiqarib yuborish choralarini koʻrishdi, deb xabar qildi ushbu viloyat boʻyicha sud ijrochilari federal xizmati matbuot xizmati.

Muhojirlar orasida Tojikiston, Oʻzbekiston, Ukraina va Kuba fuqarolari boʻlgan.

Sud ushbu muhojirlar Rossiya Maʼmuriy javobgarlik kodeksining "Xorijiy fuqaro yoki fuqaroligi boʻlmagan shaxslar tomonidan Rossiyaga kirish va u yerda boʻlish tartibini buzish" haqida huquqbuzarlik sodir etishgan deb topdi.

Xabarda aytilishicha, 3 nafar muhojir Rossiyada vaqtincha ishlash ruxsatnomasini olgan. Biroq ruxsatnoma amal qilish muddati tugagandan soʻng oʻz davlatlariga qaytib ketishmagan. Sud ijrochilari Markaziy Osiyo davlatlari fuqarolarini Moskva aeroporti chegara oʻtish punktigacha olib borib, chegarachilarga topshirishdi. Ukrainadan kelgan muhojirlarni Matveyev-Kurgan tumanidagi oʻtish punktiga olib borildi.

Kuba fuqarosi esa Vologda viloyati hududida bir necha yil davomida Rossiya fuqarosi boʻlgan ayol bilan turmush qurib yashagan. Lekin ular ajrashgandan soʻng, Kuba fuqarosi mamlakatda boʻlish uchun kerakli hujjatlarni rasmiylashtirmaganligi aniqlangan. Unga nisbatan ham Rossiya hududidan chiqarish boʻyicha maʼmuriy chora qabul qilindi.

Asosiy mavzular