18:52 18 Oktyabr 2018
Efir
  • RUB123.85
  • EUR9490.14
  • USD8208.04
Vʼyezd v gorod Samarkand

Rossiyaning migratsiya masalalari boʻyicha komissiyasi Samarqandda boʻldi

Sputnik / Mixail Genis
Migratsiya
Havola olish
457 0 0

Delegatsiya aʼzolari Oʻzbekistondan borayotgan mehnat migrantlarini tibbiy-ijtimoiy muhofaza qilish, munosib mehnat va turmush sharoiti yaratish borasida olib borilayotgan ishlar haqida maʼlumot berdi

TOSHKENT, 13 fev — Sputnik. Samarqand viloyati hokimligida Rossiya prezidenti huzuridagi Millatlararo munosabatlar kengashining migratsiya masalalari va chet el fuqarolarini ijtimoiy-madaniy moslashtirish komissiyasi aʼzolari bilan uchrashuv oʻtkazildi. Bu haqda viloyat hokimligi saytida xabar qilinmoqda.

Delegatsiya rahbari – Rossiya davlat Dumasi deputati A.Juravlev hamda Rossiya prezidenti huzuridagi Millatlararo munosabatlar kengashining migratsiya masalalari va chet el fuqarolarini ijtimoiy-madaniy moslashtirish komissiyasi raisi A.Paskachev Oʻzbekistondan borayotgan mehnat migrantlarini Rossiya qonunchiligi bilan tanishtirish, ularni tibbiy-ijtimoiy muhofaza qilish, munosib mehnat va turmush sharoiti yaratish borasida olib borilayotgan ishlar haqida maʼlumot berdi. Ushbu yoʻnalishda Oʻzbekiston hukumati bilan hamkorlikdagi ishlarni yanada takomillashtirish yuzasidan oʻzaro fikr almashildi.

Rossiyalik mehmonlar Samarqand shahridagi mehnat migrantlarini tayyorlash va joʻnatish markazi hamda Janubiy Koreya Xalqaro hamkorlik agentligi (KOICA) bilan birgalikda tashkil etilgan kasb-hunarga oʻqitish markazi faoliyati bilan yaqindan tanishdi.

Delegatsiya aʼzolari Samarqand shahridagi Islom Karimov maqbara majmuasi va boshqa diqqatga sazovor maskanlarni ziyorat qildi.

Eslatib oʻtamiz, Oʻzbekiston prezidenti Shavkat Mirziyoyevning 2017 yil 4-5 aprel kunlari Rossiya Federatsiyasiga amalga oshirgan davlat tashrifi davomida erishilgan kelishuvlar asosida mehnat migratsiyasi masalalari boʻyicha tomonlar istiqbolli loyihalarni hayotga tatbiq etishni boshlagan. Jumladan, Samarqand shahrida Rossiya Federatsiyasiga mehnat migrantlarini tayyorlash va joʻnatish markazi faoliyat koʻrsatmoqda.

Asosiy mavzular