22:19 16 Iyun 2019
Efir
  • RUB131.33
  • EUR9652.52
  • USD8518.68
Zaderjannыe migrantы vo vremya reyda politsii

Yoqutiston ahli mehnat migrantlariga qarshi norozilik namoyishiga chiqmoqda

Sputnik / Andrey Stenin
Migratsiya
Havola olish
25610

Yoqutistonlik ayol qirgʻizistonlik taksistlar tomonidan zoʻrlangach, mahalliy aholi mitinglarga chiqishni boshladi. Xalq noroziligi tobora keskin tus olmoqda

TOSHKENT, 20 mar — Sputnik. Yoqutistonning bir necha ming aholisi 18 mart kuni Markaziy osiyolik mehnat migrantlariga qarshi mitingga chiqdi. Bu holat Qirgʻizistonning uch nafar fuqarosi mahalliy ayollardan birini zoʻrlagandan keyin yuz berdi.

Tergov qoʻmitasi ayolni tahqirlashda gumonlanayotgan taksistlarga qarshi jinoiy ish qoʻzgʻatdi va ularni qoʻlga oldi, deb xabar qilmoqda RIA Novosti.

Yoqutistondagi qirgʻiz diasporasi vakillari yuz bergan hodisa uchun zudlik bilan kechirim soʻrashgan boʻlsa-da, ammo shahar aholisining noroziligi tobora kuchaymoqda.

Ijtimoiy tarmoq foydalanuvchilari migrantlarga tahdidlar yozilgan yozuvlarni eʼlon qilishni boshlab yuborgan, ammo hukumat millatlar oʻrtasida mojaroga yoʻl qoʻymasliklari, tartib oʻrnatishlarini aytib, vaʼdalar bermoqda.

17 mart kuni mahalliy OAV koʻngillilardan olingan xabar asosida Yoqutistonning 36 yashar fuqarosi yoʻqolgani haqida eʼlon tarqatgan edi. Volontyorlarning soʻzlariga koʻra, ayol juda kech uyiga qaytayotgan boʻlgan va uylarning birini oldida nomaʼlum shaxslar uni mashinaga oʻtqazib, olib ketishgan. Jabrdiyda qiziga qoʻngʻiroq qilishga ulgurgan.

Ertasi kuni ayol huquqni muhofaza qilish organlariga murojaat qilgan. Tergov qoʻmitasi xabariga koʻra, yovuz niyatli shaxs asir olgan ayolni garaj bokslari oldida zoʻrlagan, soʻngra ikkita tanishi ishlaydigan avtomobil tuzatish ustaxonasiga olib borgan. Ayol erkaklarning uxlashini poylab, soʻngra u joydan qochib ketgan. Holat yuzasidan jinoiy ish qoʻzgʻatilgan. Gumondorlar shu kunning oʻzida qoʻlga olingan, ularning barchasi oʻz ayblariga iqror boʻlganlar.

Tez orada OAVda bosh gumondor - Qirgʻiziston fuqarosi ekanligi haqida xabarlar tarqaldi. U va uning sheriklari taksistlik qilishlari aytilmoqda. Bu xabar Yoqutistonda jamoatchilik orasida katta shov-shuvlarga sabab boʻldi: bir necha yuz norozi fuqarolar shaharning bosh maydoniga mitingga chiqdilar. Ular migrantlar nomiga yoqimsiz lozunglarni qichqirishgan va hukumatni regionda noqonuniy migratsiyaga nuqta qoʻyishga chaqirganlar.

Asosiy mavzular