14:02 26 Avgust 2019
Efir
  • RUB138.47
  • EUR10092.14
  • USD9061.00
Predsedatel Nablyudatelnogo soveta Instituta demografii, migratsii i regionalnogo razvitiya Yuriy Krupnov

Ekspert: Markaziy Osiyo migrantlari uchun qoidalarni bir xil qilish vaqti keldi

© Foto s lichnoy stranitsы Yuriya Krupnova na Facebook
Migratsiya
Havola olish
413 0 0

Oʻzbekiston Rossiyadan oʻz fuqarolarining registratsiyasiz yurish muddatini yetti kundan 15 kunga uzaytirishni soʻramoqda. Demografiya, migratsiya va mintaqaviy rivojlanish instituti Kuzatuv kengashi raisi Yuriy Krupnov bu boradagi fikrlari bilan oʻrtoqlashdi.

Oʻzbekiston tomoni oʻz fuqarolarining Rossiyada roʻyxatga olishsiz (registratsiya qilinmasdan) boʻlib turishi muddatini yetti kundan 15 kunga uzaytirishni taklif sifatida kiritdi. Bu masala Hukumatlararo komissiyasining Krasnoyarskda oʻtkazilgan mehnat migratsiyasini rivojlantirish boʻyicha yigʻilishida muhokama qilindi.

Bu borada oʻz fikrlarini bildirgan ekspert Rossiyada migratsion qonun-qoidalarni bir xil qilish vaqti kelgan deb hisobladi.
“Oʻzbekistonliklarning Rossiyada bu kabi boʻlib turish tartibi oʻzgarishidan aniq hech kim zarar koʻrmaydi, kundalik maʼnoda esa migrantlarning moslashishi va koʻnikishi osonroq boʻladi. Savol axir viza, patent va roʻyxatdan oʻtishda emas, balki qoidalarning umumiy intizomi va tushunchasida. Men oʻylaymanki, Markaziy Osiyodan kelayotganlarni rasmiylashtirishga yondashuvni bir xil qilish vaqti kelgan. Yaʼne hamma uchun migratsion qoidalarni bir xil qilish kerak”, - dedi Krupnov Sputnik Oʻzbekiston radioefirida.

Uning soʻzlariga koʻra, Rossiya Federatsiyasi va Oʻzbekiston oʻrtasidagi migratsiya sohasidagi munosabatlarni rivojlantirish qoʻshma kelishuvlar yoʻlida, jumladan, yirik kompaniyalar va uyushmalar darajasida tashkil etilgan xodimlarni saralab olish orqali harakat qilishi kerak. Bu bir vaqtning oʻzida qator muammolarni hal qilish imkonini berdi – ishchi kuchini qonuniylashtirish, undan muayyan sohalarda samarali foydalanish.

Avaalroq rossiyalik iqtisodchi Rossiyada mehnat migratsiyasi oʻsishiga faqat qonunlar toʻsqinlik qilayotganini maʼlum qilgan edi.

Asosiy mavzular