13:01 12 Noyabr 2019
Efir
  • RUB148.82
  • EUR10455.03
  • USD9490.77
Samolet Airbus A319 aviakompanii Turkish Airlines v Mejdunarodnom aeroportu imeni Atatyurka v Stambule

Oʻzbekistonliklar Turkiyada oʻtkazilayotgan reydlar haqida ogohlantirilmoqda

© Sputnik / Natalya Seliverstova
Migratsiya
Havola olish
201 0 0

Shu munosabat bilan Bosh konsulxona Turkiyada boʻlib turgan yoki u yerga bormoqchi boʻlgan Oʻzbekiston fuqarolarini barcha kerakli hujjatlarni oʻz vaqtida rasmiylashtirishga va mamlakatda mavjud qonun-qoidalarga rioya qilishga chaqirib qolgan

TOSHKENT, 4 sen - Sputnik. Hozirgi paytda Turkiyaning Istanbul shahrida shaharda noqonuniy yurgan xorijiy fuqarolarni aniqlash va ularni mamlakatdan chiqarib yuborish borasida transport vositalarida, ish va yashash hamda jamoat joylarida muntazam tekshiruvlar oʻtkazilmoqda, deb xabar qilmoqda Oʻzbekiston TIV matbuot-xizmati.

"Huquqni muhofaza qiluvchi idoralar tomonidan xorijiy fuqarolarga qoʻyilgan talablar va zarur meʼyoriy hujjatlarni oʻrganish va vatandoshlarimizni huquqbuzar holatiga tushib qolishini oldini olish maqsadida Oʻzbekistonning Istanbul shahridagi Bosh konsulxonasi shahar Xavfsizlik boshqarmasi va migratsiya xizmati rahbariyati bilan uchrashuvlar oʻtkazdi", - deyiladi xabarda.

Turk mutaxassislarining taʼkidlashicha, aksar xorijiy fuqarolar Turkiyada yashash huquqini beruvchi (ikamet izni) va ishlashga ruxsat beruvchi (çalişma izni) hujjatlar farqini bilmaydi.

Qonunga muvofiq yashash huquqini beruvchi (ikamet izni) hujjatga ega chet el fuqarolari Turkiya hududida ishlashni istasalar, albatta, qoʻshimcha ishlashga ruxsat beruvchi (çalişma izni) hujjatlarga ham ega boʻlishlari shart. Aks holda, ular qonunni buzgan hisoblanadi va ularga nisbatan choralar koʻriladi.

Maʼlumki, 2018-yilning oktyabr oyidan boshlab Turkiya Hukumati Oʻzbekiston fuqarolariga Turkiya hududida 90 kun davomida vizasiz yurishga ruxsat berish toʻgʻrisida qaror qabul qilgan. Bu muddat Turkiyada ishlash maqsadida kelgan xorijiy fuqarolarga yashash huquqi (ikamet izni) va ishlashga ruxsat beruvchi (çalişma izni) hujjatlarni rasmiylashtirish uchun yetarli muddat hisoblanadi.

Bundan tashqari Turkiyaning xorijiy mamlakatlardagi diplomatik vakolatxonalarida turk ish beruvchilari bilan ikki tomonlama shartnomalar tuzish orqali Turkiyaga kelishidan oldin ham ishlash huquqini beruvchi (çalişma izni) hujjatlarini rasmiylashtirish imkoniyati mavjud. Bu esa, ishlashga kelmoqchi boʻlgan fuqarolarning ishini sezilarli darajada osonlashtiradi.

Shu munosabat bilan Bosh konsulxona Turkiyada boʻlib turgan yoki u yerga bormoqchi boʻlgan Oʻzbekiston fuqarolarini barcha kerakli hujjatlarni oʻz vaqtida rasmiylashtirishga va mamlakatda mavjud qonun-qoidalarga rioya qilishga chaqirib qolgan.

Asosiy mavzular