23:46 22 Noyabr 2019
Efir
  • RUB149.01
  • EUR10498.56
  • USD9500.96
Inostrannыy grajdanin razgovarivayet s sotrudnikom tsentra, poluchaya trudovoy patent

Oʻzbekistonliklar Sankt-Peterburgda mehnat patentlarini olishda peshqadamlik qilmoqda

© Sputnik / Kirill Kallinikov
Migratsiya
Havola olish
268 0 0

Ayni vaqtda berilgan patentlarning umumiy soni oʻtgan yilgi darajada saqlanib qolgan. Oʻzbekistonliklarga berilgan patentlar ortidan 2018 yilda RF byudjetiga bir necha milliard rubl mablagʻ kelib tushgan.

TOSHKENT, 6 noyab - Sputnik. Sankt-Peterburgda joriy yilning oxiriga qadar 250 mingga yaqin xorij fuqarolarining ishlashi uchun patent berilishi rejalashtirilmoqda. Bu haqda Mehnat va bandlik qoʻmitasining raisi Dmitriy Cherneyko bayonoti asosida «78.ru» xabar berdi.

D.Cherneykoning soʻzlariga koʻra, mazkur koʻrsatkich oʻtgan yil bilan solishtirganda deyarli oʻzgarmagan. Muhojirlarning 62 % ini 21—35 yoshgacha boʻlganlar tashkil etadi. Ularning aksariyati Rossiyaga turmush oʻrtoqlari bilan keladi.

Qanday mehnat migrantlariga imtiyozli kreditga uy beriladi?

2019 yilda patentlarning 70 % i (126 ming) Oʻzbekiston fuqarolariga berilgan. Ikkinchi oʻrinda tojikistonlik ishchilar — 25 % (44 ming). Moldova, Ukrainadan kelgan muhojirlar hisobiga 2 % patent toʻgʻri kelmoqda.

Cherneykoning maʼlumotlariga koʻra, 2018 yilda patentlar ortidan davlatga 7,3 milliard rubl mablagʻ kelib tushgan. Uch yil davomida mazkur qiymat qariyb  ikki baravarga oshgan.

Rossiyaning mehnat resurslari markazi maʼlumotlariga koʻra, oʻtgan 2018 yilda Rossiyaning shimoliy poytaxtiga salkam 400 ming mehnat muhojiri kelgan boʻlib, ularning 65,2% malakasiz ishchi kuchini tashkil etgan.

Asosiy mavzular