22:07 29 Yanvar 2020
Efir
  • RUB153.89
  • EUR10541.66
  • USD9563.33
Migratsiya
Havola olish
211 0 0

Oʻzbekistonda qabul qilingan Labor migration dasturi – xorijda ishga ketgan mehnat migranti va uning ish beruvchisi orasidagi munosabatlarini nazorat qilib turadi.

TOSHKENT, 6 dek – Sputnik. Oʻzbekistonda chet elda ishlamoqchi boʻlganlar uchun Labor migration elektron dasturi joriy etildi, dedi Mehnat vazirligi boshqarma boshligʻi Dilmurod Isaqulov Sputnik muxbiriga AOKAda  boʻlib oʻtgan matbuot anjumanida.

“Labor migration – mehnat migrantlarini himoya qiladi. Xorijga ishga ketayotgan har bir fuqaro Tashqi mehnat migratsiyasi agentligiga kelib, ariza berib roʻyxatdan oʻtsa u davlat tasarrufida boʻladi. Shundan soʻng davlat u va ish beruvchi orasidagi munosabatlardan xabardor boʻlib turadi, hatto ish beruvchi hisobotlarini olib tekshirib turishgacha boradi”, - deydi vazirlik vakili.

Isaqulov aytishiga qaraganda, Agentlik tomonidan shu vaqtga qadar Rossiyada ishlagan mehnat migrantlariga 536 ming dollar berilmagan qarzlar undirib berildi. Ushbu murakkab ishni amalga oshirish uchun Tashqi mehnat migratsiyasi agentligining Rossiyadagi  vakolatxonasi Rossiya Ichki ishlar organlari bilan hamkorlikda ishlagan.

Trudovыe migrantы vozvraщayutsya domoy
Ministerstvo zanyatosti i trudovыx otnosheniy Uzbekistana

Shuningdek vafot etgan mehnat migrantlari yaqinlarining arizalari koʻrib chiqilib, ularning maoshlari va sugʻurta pullari ham marhumning oilasiga olib berilgan.

Shu oʻrinda mulozim bir necha oy oldin Finlandiyadan deport qilingan 500ga yaqin oʻzbekistonliklar ishi borasida ham toʻxtalib oʻtdi. Isaqulov ular qalbaki diplom va attestatlar tufayli deport qilinganini va ushbu ishga vazirlikning aloqasi yoʻqligini taʼkidladi.

Asosiy mavzular