TOShKENT, 27 yanv – Sputnik. 2019-yilda doimiy yashash uchun O‘zbekistondan xorijiy mamlakatlarga ko‘chib ketganlar soni 13 246 kishini tashkil qildi. Bundan Davlat statistika qo‘mitasi ma’lumotlari darak bermoqda.
Eng ko‘p Qozog‘istonga - 57,5% (7615 kishi) va Rossiyaga - 37,7% (4990 kishi) ko‘chib ketish holati qayd etilgan.
Keyingi o‘rinlarda 0,8 % bilan AQSh (112) va 0,7 % bilan Isroilga (99 kishi) qayd etilgan.Qolgan 3,3 % esa boshqa davlatlar hissasiga mos keladi.
Ta’kidlanishicha, 2019-yilda O‘zbekistonga doimiy yashash uchun xorijiy mamlakatlardan 2527 kishi ko‘chib kelgan. Shulardan 33,2 % (839 kishi) Qozog‘istondan, 23,3 % (588 kishi) Rossiyadan, 21,4 % (541 kishi) Tojikistondan ko‘chib kelgan.Qirg‘izistondan ko‘chib kelganlar soni 21,1 %ni (307 kishi) tashkil etgan. Qolgan 10% (252 kishi) boshqa davlatlar hissasiga to‘g‘ri keladi.