17:35 26 Yanvar 2021
Efir
  • RUB139.72
  • EUR12798.46
  • USD10518.99
Migratsiya
Havola olish
Migratsiya (88)
1201 0 0

Ishchi-migrantlar Kasaba uyushmasi rahbari Renat Karimov pandemiya sharoitida Rossiyadagi migrantlarning adaptatsiyasi uchun qanday chora koʻrilishi lozimligi haqida gapirdi

Yaqinda Rossiya hukumati migrantlarga mamlakatdan chiqmagan holda patent muddatini uzaytirish boʻyicha qaror qabul qilgan edi.

Endilikda patent muddati oxirlab qolgan mehnat muhojirlariga yangi hujjatni olish uchun chetga chiqish shart emas.

Ammo, Karimovning aytishicha, migrantlar avvalgidek Rossiyada eng himoyasiz qatlam boʻlib qolmoqda. Ayniqsa, koronavirus tarqalishining oldini olish uchun hukumat tomonidan qabul qilingan karantin choralaridan keyin.

"Moskvada 1,8 million migrantlar bor - bu Rossiya poytaxtining iqtisodiy faol aholisining 15 %idir. Ular mamlakat iqtisodiga ulkan hissa qoʻshmoqda va shu bilan birga hozirda eng himoyaga muhtoj qatlam hisoblanadi, chunki aksariyati ishsiz qolgan", - dedi Karimov Sputnik Tojikistonga bergan intervyusida.

Ekspert taʼkidiga koʻra, oʻtgan yil migrantlar patent toʻlovi orqali Moskva byudjetiga 18 milliard rubl daromad keltirgan, shunday ekan, ular davlatdan unchalik katta boʻlmasa ham, ammo koʻmak kutishga haqli.

"Biz Moskva meri Sergey Sobyaninga patent uchun NDFL toʻlovlarini bekor qilish boʻyicha iltimosnoma kiritdik", - deb qoʻshimcha qilgan ishchi-migrantlar Kasaba uyushmasi rahbari.

Karimovning soʻzlariga koʻra, migrantlar yaqin orada hech qanday daromad olmaydilar, demakki ushbu toʻlovni bekor qilish mantiqan toʻgʻri boʻlar edi.

Mavzu:
Migratsiya (88)

Asosiy mavzular