TOShKENT, 24 apr — Sputnik. Rossiya qurilishlarida xorijlik ishchilar kerak. Bu haqda Rossiya hukumati raisining o‘rinbosari Marat Xusnullin ma’lum qildi.
“Biz hozir mamlakatimizda ishlayotgan xorijlik ishchilar boshqa biror joyga ko‘chishlari kerak emas deb hisoblaymiz. Bugungi kunda bizda xorijlik ishchilar hissasi yetarlicha katta... va, albatta, ular oldimizda turgan barcha vazifalarni bajarishimiz uchun lozim”, - dedi Xusnullin “Rossiya 24” telekanali efirida.
U ishchilarning aksariyati bu Sobiq ittifoq respublikalari fuqarolari ekanini ta’kidladi. Uning fikriga ko‘ra, ular mamlakatida ham kuzatilayotgan koronavirus bilan bog‘liq muammolarni nazarga olsa, migrantlarning aksariyati Rossiyada qoladi.
“Hozircha biz xorijlik ishchi kuchi bilan jiddiy muammolarni his etmayapmiz”, - dedi bosh vazir o‘rinbosari.
Eslatib o‘tamiz, Rossiyada koronavirus pandemiyasi tufayli migrantlar 15-iyungacha patentsiz mehnat qilishi mumkin. Shuningdek, migrantlarga 15-martdan 15-iyunga qadar avval berilgan patentlar uchun oylik to‘lovini to‘lamaslik imtiyozi berilgan.
