18:10 18 Sentyabr 2020
Efir
  • RUB137.65
  • EUR12194.82
  • USD10295.33
Migratsiya
Havola olish
Migratsiya (75)
788 0 0

Rossiyada mehnat faoliyatini olib borayotgan barcha mehnat migrantlarining 25,4 foizi tegishli patentni rasmiylashtirmay ishlamoqda. Yaʼni Rossiya qonunchiligiga koʻra noqonuniy faoliyat olib bormoqda.

TOSHKENT, 8 avg - Sputnik. Oliy Majlis Senatining oltinchi yalpi majlisida Rossiyada vaqtincha mehnat qilayotgan Oʻzbekiston fuqarolari huquqlarini himoya qilish masalasi yuzasidan Vazirlar Mahkamasiga parlament soʻrovi yuborish qarori qabul qilindi.

Parlament soʻrovi fuqarolarning Oʻzbekiston Oliy Majlisi palatalari, prezident virtual hamda xalq qabulxonalari, Ombudsman, hududlardagi hokimliklar, Rossiyadagi Oʻzbekiston diplomatik missiyalariga yuborilgan murojaatlar asosida shakllantirilgan.   

Rossiyada vaqtincha mehnat faoliyatini amalga oshirayotgan Oʻzbekiston fuqarolarining dolzarb muammolarini hal etish masalasi Senatning diqqat markazida turganligi, Oʻzbekiston-Rossiya parlamentlararo hamkorlik boʻyicha qoʻshma komissiyasi faoliyatining markaziy mavzularidan biri ekanligi taʼkidlandi.

Rossiya tomoni bilan tashqi mehnat migratsiyasi jarayonlarini tartibga solish toʻgʻrisida ikkita bitim, mehnat faoliyatini amalga oshirish uchun fuqarolarni tashkiliy asosda qabul qilish, ularning respublikadan tashqaridagi ish joyiga xavfsiz yetib borishini taʼminlashning qulay shart-sharoitlarini yaratish toʻgʻrisida shartnomalar tuzilgan boʻlsa-da, erishilgan davlatlararo bitimlarni tegishli ravishda bajarish bilan bogʻliq jiddiy muammolar saqlanib qolmoqda.

Misol uchun, Moskva shahridagi Tashqi mehnat migratsiyasi agentligi vakolatxonasi maʼlumotlariga koʻra, Rossiyada mehnat faoliyatini olib borayotgan barcha mehnat migrantlarining 25,4 %i tegishli patentni rasmiylashtirmay, yaʼni RF qonunchiligiga koʻra noqonuniy faoliyat olib bormoqda.

Ikki tomonlama bitimlar borligiga qaramay, fuqarolarni ishga tashkiliy tarzda joylashtirish koʻrsatkichlari pastligicha kolmoqda. Masalan, 2019 yilda Rossiyada Tashqi mehnat migratsiyasi agentligi va xususiy agentliklar tomonidan tashkiliy tarzda qabul qilish orqali 1425 kishi ishga joylashtirilgan.

Tartibsiz mehnat migratsiyasining mavjudligi, mehnat migrantlarining jamiyatga moslashuvi past darajadaligi bilan bogʻliq muammolar hal etilmaganligi, rus tilini, Rossiya Federatsiyasining mehnat va migratsiya toʻgʻrisidagi qonun hujjatlarini sust darajada bilish Oʻzbekiston fuqarolarining huquqlarini taʼminlashda koʻplab muammolarni keltirib chiqarmoqda.

Senatorlar tomonidan xorijdagi fuqarolarning huquq va manfaatlarini himoya qilish hukumat oldida turgan ustuvor masalalar sirasiga kirishini taʼkidlab oʻtildi.

Shundan kelib chiqib, Oliy Majlis Senati Oʻzbekiston Respublikasi Vazirlar Mahkamasiga parlament soʻrovi yuborish toʻgʻrisida qaror qabul qildi.

Mavzu:
Migratsiya (75)

Asosiy mavzular