11:24 22 Oktyabr 2020
Efir
  • RUB133.19
  • EUR12153.63
  • USD10371.76
Migratsiya
Havola olish
171 0 0

Rossiyada ishlayotgan koʻplab Oʻzbekiston fuqarolari yaxshi malakaga ega boʻla turib rus tilini yaxshi bilmasligi tufayli, munosib maosh olishga daʼvo qilolmayaptilar, deydi mutaxassis.

Maʼlumki, Oʻzbekiston hukumati mehnat migrantlariga rus tili va kasbiy bilimlarni oʻrgatish uchun Rossiya taʼlim muassasalarini jalb qilishni rejalashtirmoqda.

Biroz oldin prezident Shavkat Mirziyoyev tegishli idoralarga ushbu sohada, jumladan, Rossiya Xalqlar doʻstligi universiteti (RUDN) va "Molodыe professionalы (WorldSkills Russia) ittifoqini jalb qilishni topshirgan edi.

RUDN universitetining Oʻzbekistondagi vakolatxonasi rahbari Andrey Kolesnikov, universitet oʻzbekistonliklarga RFda ishga kirishga tayyorlanishga qanday yordam berayotganini va bu ularning oyliklariga qanday taʼsir qilayotganini tushuntirib berdi.

RUDN Universitetining Oʻzbekistondagi vakolatxonasi rahbari Andrey Kolesnikov taʼkidlashicha, universitet RFga ishlashga ketayotgan respublika fuqarolari uchun ketish oldidan tayyorgarlik masalalari boʻyicha Bandlik va mehnat munosabatlari vazirligi bilan 2019 yildan hamkorlik qila boshladi.

Vazirlikning koʻmagi tufayli, RUDN shuningdek, Tashqi mehnat migratsiyasi agentligi va “Ishga marhamat” monomarkazi bilan samarali aloqalarni yoʻlga qoʻydi.

"Tashqi mehnat migratsiyasi agentligi bilan birgalikda ularning viloyat markazlaridagi filiallari negizida Rossiyada mehnat faoliyati uchun patent olishga majburiy boʻlgan rus tili, RF tarixi imtihonlariga bepul tayyorgarlik koʻrish uchun oʻquv sinflari tashkil etildi. Shu bilan birga, imtihonga tayyorgarlik ishlarini oʻzbekistonlik oʻqituvchi olib boradi, bu materialni rus tilida va talabaning ona tilida tushuntirishga imkon beradi", - dedi Kolesnikov.

Oʻqish tugatgandan soʻng, talabaga imtihonni oʻz mamlakatida topshirish imkoniyati beriladi. Bu patentni roʻyxatdan oʻtkazishda vaqtni tejashga va shunga mos ravishda ishga ertaroq kirishishga imkon beradi.

"Rus tilini oʻqitish boʻyicha xarajatlarini qoplash Chet elda ishlayotgan fuqarolarning huquqlari va manfaatlarini himoya qilish va qoʻllab-quvvatlash Jamgʻarmasi mablagʻlari hisobidan amalga oshirilmoqda. Rossiyada ishlayotgan koʻplab Oʻzbekiston fuqarolari yaxshi malakaga ega boʻla turib rus tilini yaxshi bilmasligi tufayli, munosib maosh olishga daʼvo qilolmayaptilar va kam haq toʻlanadigan ishlarda ishlashga majbur boʻlmoqdalar", - dedi Kolesnikov.

Uning soʻzlariga koʻra, monomarkazda bu hisobga olinib ham mutaxassisliklar boʻyicha, ham bu mutaxassisliklardagi rus tili oʻqitilmoqda. Natijada, oʻqishni tugatgan odam Rossiyada munosib ish haqiga ishonishi mumkin.

Kolesnikovning taʼkidlashicha, hozirda RUDN yaqin kelajakda RFning besh shaharida: Moskva, Sankt-Peterburg, Qozon, Yekaterinburg va Novosibirskda oʻqitishni tashkil qilish uchun barcha imkoniyatlarga ega.

Keyinchalik - Rossiyaning aksariyat viloyat markazlarida, - taʼkidlaydi Kolesnikov.

U shuningdek MDHning boshqa davlatlari fuqarolari uchun ham shunday oʻquv dasturlarini ishlab chiqishga tayyorligini qoʻshimcha qildi.

Radiopodkastda RUDN Universitetining Oʻzbekistondagi vakolatxonasi rahbarining toʻliq sharhini tinglang.

Kolesnikov rasskazal, kak migrantam poluchat dostoynuyu zarplatu v RF

Asosiy mavzular