18:56 22 Sentyabr 2020
Efir
  • RUB136.28
  • EUR12210.60
  • USD10315.62
Migratsiya
Havola olish
624 0 0

Shuningdek, Moskva meri oʻzini oʻzi yakkalash davrida migrantlar oʻrtasida jinoyatchilik oʻsishi qayd etilmaganini qayd etdi.

TOSHKENT, 6 sen — Sputnik. Moskva meri Sergey Sobyanin pandemiya va joriy etilgan cheklovlarning poytaxt iqtisodiyotiga taʼsirini baholadi.

Xususan, shahar meri migrantlar oʻrtasida mehnat bozori u qadar qulamaganini taʼkidladi. Uning soʻzlariga koʻra, bahor oyida qurilishlarning toʻxtab qolishi qisqa muddat davom etgan.

Shuningdek, Sobyanin oʻzini oʻzi yakkalash davrida migrantlar oʻrtasida jinoyatchilik oʻsishi qayd etilmaganini qayd etdi.

“Bizda bunday muammo boʻlgani yoʻq, bu hoynahoy ijtimoiy tarmoqlardagi hozir hammasi qulaydi, va migrantlar talon-taroj, oʻldirishga yugurishadi degan hayajon va muhokamalar edi”, - dedi u NTV telekanaliga bergan intervyuda.

Mer karantin vaqtida jinoyatchilik aksincha 40 foizgacha tushib ketganini taʼkidladi. Uning soʻzlariga koʻra, qotillik, bosqinchilik, xonadonlarni tunab ketish va mashinalarni oʻgʻirlab ketish jinoyatlari kamroq sodir etilgan. Faqat firibgarlik sohasidagi jinoyatlar avj olgan.

Sobyanin kelayotgan 2020-2021 yil mavsumida Moskvada hech qanday karantin choralari kiritilmasligiga umid bildirdi.

Eslatib oʻtamiz, Moskvada, xususan, oʻzini oʻzi yakkalash, ruxsatnoma rejimi 9 iyundan bekor qilindi.

Asosiy mavzular