10:27 26 Yanvar 2021
Efir
  • RUB139.72
  • EUR12798.46
  • USD10518.99
Migratsiya
Havola olish
726 0 0

Yon qoʻshning - jon qoʻshning yoki mehnat migrantlari qoʻshni davlatlar orqali uylariga qaytishmoqda, sabab - chiptalar arzonligida.

TOSHKENT, 7 dek - Sputnik. Maʼlumki, pandemiya tufayli kiritilgan karantin cheklovlari va chegaralar yopilishi tufayli MDH shaharlari oʻrtasida parvozlarning aksariyati bekor qilindi.

Ushbu vaziyat Rossiyada ishlaydigan migrantlar uchun ham katta qiyinchiliklar tugʻdirmoqda. Oʻz ish mavsumini yakunlab uyiga qaytishni istaydigan fuqarolar bu yil aviachiptalarni oʻtgan yillarga nisbatan 2-3 baravar qimmatroqqa sotib olishga majbur boʻlishmoqda.

Masalan, 2019 yilda Moskva – Oʻsh chiptalari 7-8 ming rubldan sotilgan boʻlsa, 2020 yilning dekabrida 15 minggacha koʻtarilgan.

Moskva – Samarqand yoʻnalishida ekonom klass aviachiptalar 2019 yilda 10-12 ming rublga sotib olish mumkin edi. Bugungi kunda esa ularning narxi 30-32 ming rublga koʻtarilgan.

Moskva – Dushanbe yoʻnalishidagi chiptalar odatda 13-14 ming atrofida sotilgan. Ayni damda esa ushbu chiptalar narxi - 37 200 rublga chiqqan.

Albatta, narxlar oshishiga oʻziga yarasha iqtisodiy sabablar ham bor. Rossiyaga Oʻzbekiston va Tojikiston fuqarolari kirishi cheklangani tufayli aviaparvozlar bir yoʻnalishga boʻsh uchishga majbur.

Yoʻnalish 2019 dek 2020 dek Oʻsish % Aviakompaniya
Moskva – Oʻsh 8000 15000 188 % Aeroflot, S7, Ural
Moskva - Samarqand 12000 30000 250 % Uzbekistan Airways
Moskva - Dushanbe 14000 37000 264 % Somon Air, Tajik Air

Lekin mehnat migrantlari ushbu vaziyatda ham arzonroq chipta sotib olish imkonini topishmoqda. Xususan, Oʻzbekistonning Fargʻona vodiysida, Tojikistonning Xoʻjand shahri atrofida istiqomat qiladigan fuqarolar “Moskva – Oʻsh” chiptalarini sotib olib, Qirgʻiziston orqali uchib ketishmoqda.

“Narxlar osmonga uchdi”: Markaziy Osiyo mamlakatlariga aviachipta narxi qanday oʻzgardi

Tojikiston fuqarolari esa Oʻzbekistonning Samarqand yoki Termiz shaharlari orqali uchib ketishmoqda. Ular uchun qoʻshimcha 2000 rubl evaziga oʻzbek-tojik chegaragacha transfer tashkil qilingan.

Eslatib oʻtamiz, bugungi kundya barcha aviakompaniyalar yoʻlovchilarni samolyotga chiqarish uchun koronavirusga chalinmagani haqida PZR maʼlumotnoma talab qilishmoqda. Maʼlumotnoma parvozdan 72 soatdan uzoq boʻlmagan vaqt davomida olingan boʻlishi kerak.

Asosiy mavzular