14:17 28 Fevral 2021
Efir
  • RUB141.09
  • EUR12773.52
  • USD10549.65
Migratsiya
Havola olish
273 0 0

Mehnat migrantlarni qoʻllab-quvvatlash uchun bir necha viloyat va Qoraqalpogʻiston Respublikasida maxsus jamgʻarmalar tashkil etildi.

TOSHKENT, 2 fev - Sputnik. Xorijda qiyin ahvolda qolgan mehnat migrantlarni qoʻllab-quvvatlash tizimi kengaytirilmoqda. Bu haqida Sputnik muxbiri tashqi mehnat migratsiya agentligiga asosan xabar qilmoqda. 

Xususan, ushbu maqsadda mahalliy hokimiyatlar huzurida maxsus jamgʻarmalar tashkil qilinmoqda. Jamgʻarma, mahalliy byudjetning qoʻshimcha manbaalari hamda qonun hujjatlari bilan taqiqlanmagan boshqa mablagʻlar hisobidan shakllantirib boriladi.

Jamgʻarma xorijda qiyin ahvolda qolgan mehnat migrantlariga quyidagi yoʻnalishlar boʻyicha xizmatlar koʻrsatadi:

  • xorijiy ish beruvchilarda mavjud boʻlgan boʻsh ish oʻrinlarini taklif qilish;
  • Vatanga qaytarish uchun avia yoki temir yoʻl chiptalari haqini toʻlash;
  • vafot etgan shaxs jasadini urf-odatlarga koʻra tayyorlashda 1 ming AQSH dollarigacha xizmatlar haqini va Oʻzbekistonga olib kelish uchun chipta haqini toʻlash.

Bugungi kunda Qoraqalpogʻiston Respublikasi, Surxondaryo, Namangan va Xorazm viloyatlari hokimliklari huzurida “Xorijdagi mehnat migrantlarini ijtimoiy himoya qilish va moddiy yordam koʻrsatish” jamgʻarmalari tashkil etildi.

Maʼlumot uchun, Mehnat vazirligi huzurida ham Migrantlarni qoʻllab-quvvatlash jamgʻarmasi tashkil etilgan. U jamgʻarmaning faoliyati yanada kengroq sohalarni qamrab oladi. 

Eslatib oʻtamiz, ushbu jamgʻarmalar Oʻzbekiston prezidentining 2020 yil 15 sentyabrda qabul qilingan “Xavfsiz, tartibli va qonuniy mehnat migratsiyasi tizimini joriy qilish chora-tadbirlari toʻgʻrisida”gi qarori asosida tashkil etilmoqda.

Asosiy mavzular