Yaponiyadan Samarqandga ilk charter parvozi amalga oshirildi

Obuna bo‘lish
7 aprel kuni Yaponiyaning ilk charter reysi 250 nafar sayyoh bilan Samarqand aeroportiga kelib qo‘ndi

TOShKENT, 10 apr — Sputnik. Ilgariroq 2017-yil 7-aprelidan Yaponiyaning Nagoya, Osaka, Fukuoka va Sendai shaharlaridan Samarqandga to‘g‘ridan-to‘g‘ri charter havo qatnovlari yo‘lga qo‘yilishi haqida xabar qilgan edik.

Samarkand - Sputnik O‘zbekiston
Tarixda ilk bor: Yaponiyaning 4 ta shahridan Samarqandga charter qatnovlari yo‘lga qo‘yiladi
Turizmni rivojlantirish davlat qo‘mitasiga ko‘ra, yil davomida Yaponiyaning sayyohlik tashkilotlari bilan bir qator hamkorlik loyihalarini amalga oshirishni rejalashtirilgan.

Xususan, 7-aprel kuni ushbu loyihadagi ilk qaldirg‘och reys 250 nafar sayyoh bilan Samarqand aeroportiga kelib qo‘ngani xabar qilingan.

"Bu oyning o‘zida yana ikkita shunday parvoz amalga oshiriladi. Samarqand shahri aeroportida mehmonlarni tantanali kutib olish marosimi o‘tkazildi. Tadbirda Yaponiyaning O‘zbekistondagi Favqulodda va Muhtor elchisi (Ito Nabuaki janoblari), O‘zbekiston Respublikasi turizmni rivojlantirish davlat qo‘mitasi rahbariyati, Samarqand viloyati hokimiyati va Ommaviy axborot vositalari vakillari ishtirok etishdi", — deyilgan xabarda.

Turizmni rivojlantirish davlat qo‘mitasi matbuot xizmati xabariga ko‘ra, apreldan oktabr oyiga qadar O‘zbekistonga Yaponiyaning turli shaharlaridan 10ta charter parvozlarni amalga oshirish rejalashtirilgan. Parvozlar orqali 2500 yaponiyalik mehmon yurtimiz bo‘ylab sayohatlarda ishtirok etadilar.

© uzbektourism.uzYaponiyadan Samarqandga ilk charter parvozi qo‘ndi
Perviy charter iz Yaponii pribil v Samarkand - Sputnik O‘zbekiston
Yaponiyadan Samarqandga ilk charter parvozi qo‘ndi
Yangiliklar lentasi
0