"Odnoklassniki"dan foydalanish bo‘yicha O‘zbekiston to‘rtinchi o‘rinda

TOShKENT. 27 apr — Sputnik. 25-aprel kuni Toshkentda USENET-2017 — Internetda marketing va targ‘ibot qilishni rivojlantirish masalalari bo‘yicha anjuman o‘tkazildi. Anjumanda "Odnoklassniki" ijtimoiy tarmog‘ining ishbilarmonlikni rivojlantirish bo‘yicha boshqaruvchisi Aleksey Kashevarov ma’ruza qildi.

Kashevarovga ko‘ra, O‘zbekiston "Odnoklassniki" ijtimoiy tarmog‘idan foydalanuvchilar soni bo‘yicha to‘rtinchi o‘rinda turadi. Mazkur ijtimoyi tarmog‘idan 2,1 mln. dan ortiq o‘zbekistonliklar foydalanadi. "Har kuni 750 mingdan ortiq odamlar ushbu ijtimoiy tarmoqqa kiradi. O‘zbekistonda "Odnoklassniki"dan foydalanuvchi erkaklar — 72%ni, ayollar esa — 28%ni tashkil qiladi. Ularning asosiy qismi 18-35 yoshlardagi foydalanuvchilardir", — qo‘shimcha qildi u.

Anjumanda amaliyotga yaqinda joriy etilgan "OK axborot", "OK Live", "OK aloqada" singari ijtimoyi tarmog‘i mahsulotlari haqida batafsil axborot berildi. "Odnoklassniki" orqali mahsulotlarni sotish va xarid qilish (savdo), to‘lovlar va xalqaro pul jo‘natmalari tizimi va 2016-yilda amaliyotga kiritilgan video axborotlarning ketma-ketligi haqidagi keng imkoniyatlar mavjud. "Odnoklassnik" ijtimoiy tarmog‘i imkoniyatlari va xizmatlari ijtimoiy foydalanuvchilar kelgusida keng foydalanish imkoniyatiga ega.