22:35 28 Oktyabr 2020
Efir
  • RUB136.11
  • EUR12285.78
  • USD10359.88
Yangiliklar
Havola olish
1891 0 0

Yaponiya qisqa muddatli viza olish uchun ariza berish tartibining soddalashtirilgani haqida Oʻzbekistonni rasman xabardor qildi

TOSHKENT, 19 iyun — Sputnik. Yaponiya vizasini olish uchun ariza bilan murojaat qilish jarayoni soddalashtirildi, deb xabar qildi Oʻzbekiston TIV matbuot-xizmati.

"Yaponiya tomon Oʻzbekiston Respublikasi Tashqi ishlar vazirligini Oʻzbekiston fuqarolik pasportiga ega boʻlgan shaxslar tomonidan Yaponiyaga qisqa muddatli viza (90 kundan oshmagan muddatga) olish uchun ariza berish tartibining soddalashtirilgani haqida rasman xabardor qildi", — deyiladi xabarda.

Soddalashtirilgan tartib quyidagilarni oʻz ichiga oladi:

1) ishbilarmonlik maqsadlari bilan bogʻliq boʻlgan, madaniyat va intellektual mehnat arborlari uchun safar qilish sohalarini kengaytirish. Fuqaro ayni shu viza bilan Yaponiyaga qayta tashrif buyurganda undan turistik maqsadlarda hamda qarindosh va tanishlarini ziyorat qilish maqsadlarida foydalanishi mumkin;

2) davlat tashkilotlari, Yaponiya fond bozorlarida roʻyxatga olingan tashkilotlar tomonidan moliyalashtiriladigan kompaniyalar xodimlariga hamda Yaponiyaga avval ham tashrif buyurgan arizachilarning koʻp martalik qisqa muddatli vizalari amal qilish muddatini uch yildan besh yilga uzaytirish;

3) bir martalik qisqa muddatli viza olish uchun ariza bilan murojaat qilinganda kafolatlash tizimini bekor qilish.

Kerakli hujjatlar roʻyxati va ariza bilan murojaat qilish tartibi toʻgʻrisidagi toʻliq maʼlumotni Yaponiyaning Oʻzbekiston Respublikasidagi Elchixonasi veb-saytidan olishingiz mumkin.

Bizning Telegramdagi oʻzbekcha kanalimizga obuna boʻling va eng yangi xabarlarni birinchi boʻlib oʻqing.

Teglar:
Yaponiya, Oʻzbekiston, viza

Asosiy mavzular