TOShKENT, 3 avg — Sputnik. O‘zbekiston Respublikasi Oliy va o‘rta maxsus ta’lim vazirligi vaziri Inom Majidov xalqaro-press klub yig‘ilishi davomida jurnalist tomonidan viloyatlarda o‘quv dargohlari xodimlarining qishloq xo‘jaligi ishlariga jalb qilinishi to‘g‘risidagi savoliga javob berishdan qochdi, deb xabar bermoqda O‘zbekistondagi mahalliy nashrlar.
Eslatib o‘tamiz, o‘tgan yil Xalqaro mehnat tashkiloti O‘zbekistonda o‘quvchilar paxta dalalari ishlariga jalb qilinmayotgani haqidagi xabarni tasdiqlagan edi.
Xalqaro Mehnat tashkiloti eksperti Janna Kastaki Samarqandda bo‘lib o‘tgan bolalar va majburiy mehnatning oldini olishda amalga oshirilayotgan ishlarning samaradorligi yuzasidan o‘tkazilgan seminar-treningda O‘zbekiston tez rivojlanayotgan davlatlar sirasiga kirgan holda bu yerda munosib mehnat sharoitlari bo‘yicha yaxshi natijalarga erishilayotgani, shuningdek, mamlakatda davlat budjeti mablag‘larining 40 foizi ijtimoiy sohaga yo‘naltirilgan bir paytda bolalar mehnatining oldini olish yanada samarali natija berayotgani haqida gapirgan.
