TOShKENT, 22 avg — Sputnik. Endi maktablarda ta’mirlash ishlari uchun pul yig‘ilmaydi, davlat ta’mirlash-ekspluatatsiya xizmatlarini tashkil qilmoqda, deb xabar berdi Sputnik O‘zbekiston muxbiri.
O‘zbekiston prezidenti Shavkat Mirziyoyev sentabr oyi oxiriga qadar bu xizmatlarni tashkil qilish bo‘yicha qaror qabul qilish topshirig‘ini bergan.
Yangi xizmatlar binolar va inshootlarning o‘rnatilgan tartibda ekspluatatsiya qilinishi, elektr energiyasi, suv, gazni tejab ishlatilishini ta’minlash va moslamalar holati bo‘yicha monitoring olib borish uchun tashkil qilinmoqda.
Barcha yuzaga kelayotgan muammolarni tezkorlik bilan hal etish uchun xizmatlar mobil bo‘linmalar tashkil etiladi.
O‘zbekiston rahbari topshirig‘i bilan tashkil etilayotgan xizmatlarning material-texnik bazasi davlat tomonidan moliyalashtiriladi. Mirziyoyev, shuningdek, maxsus avtotransport, qurilmalar, kompyuter texnikasi va jihozlarni xarid qilish uchun pul ajratilishini belgilagan.
