Mirziyoyev navbatdagi davlat konsernini tugatdi

Obuna bo‘lish
O‘zfarmsanoat o‘rnida tashkil etilgan agentlikning vazifalaridan biri ichki va tashqi bozorlarda yuqori sifatli, raqobatbardosh dori vositalari, tibbiyot buyumlari va tibbiyot texnikalarining yangi turlarini ishlab chiqarishni o‘zlashtirishga hamda ularni jahon bozoriga olib chiqishga ko‘maklashishdan iborat bo‘ladi

TOShKENT, 8 noya — Sputnik. O‘zbekiston prezidenti farmoni bilan "O‘zfarmsanoat" konserni tugatilib,  Sog‘liqni saqlash vazirligi huzurida Farmatsevtika tarmog‘ini rivojlantirish agentligi tashkil etildi, deb xabar qildi Sputnik O‘zbekiston muxbiri.

Prezident Uzbekistana Shavkat Mirziyoyev - Sputnik O‘zbekiston
Mirziyoyevdan tashxis: Sog‘liqni saqlash sohasida hali qiladigan ishlarimiz ko‘p
Agentlikka farmatsevtika tarmog‘ini barqaror rivojlantirish strategiyasini, shu jumladan davlat-xususiy sheriklikni joriy etish yo‘li bilan ishlab chiqish va amalga oshirish, farmatsevtika korxonalari va tashkilotlarining faoliyatini muvofiqlashtirish, aholi va davlat sog‘liqni saqlash muassasalarini dori vositalari, tibbiyot buyumlari hamda tibbiyot texnikalari bilan ta’minlash dasturlarini amalga oshirish bo‘yicha vazifalar yuklatildi.

Shu bilan birga, Agentlik dori vositalari, tibbiyot buyumlari va tibbiyot texnikalarini, shu jumladan chet eldan import qilinayotganlarini davlat ro‘yxatidan o‘tkazish va sertifikatlashni, farmatsevtika korxonalarini tegishli ishlab chiqarish amaliyoti xalqaro qoidalarga muvofiqligini sertifikatlashtirishni amalga oshiradi.

O‘zbekiston respublikasi Sog‘liqni saqlash vaziri Alisher Shodmonov - Sputnik O‘zbekiston
Sog‘liqni saqlash vaziri: tibbiy ta’lim tizimi tubdan isloh qilinmoqda
Sog‘liqni saqlash vazirligining dori vositalari, tibbiyot buyumlari va tibbiyot texnikalari ekspertizasi va standartizatsiyasi davlat markazi, O‘zbek kimyo-farmatsevtika ilmiy-tadqiqot instituti, Toshkent vaksina va zardoblar ilmiy-tadqiqot instituti, "Sharq tabobati" ilmiy-tadqiqot instituti Agentlikning tasarrufiga o‘tkazildi.

O‘zbekiston Respublikasi Sog‘liqni saqlash vazirligining "O‘zmedeksport" davlat korxonasi "O‘zmedimpeks" davlat unitar korxonasi etib qayta nomlanib, Agentlikning tasarrufiga o‘tkazildi. Bunda "O‘zmedimpeks" O‘zbekiston Respublikasi Sog‘liqni saqlash vazirligi tomonidan belgilanadigan ro‘yxat bo‘yicha ijtimoiy ahamiyatga ega dori vositalari va tibbiyot buyumlarining yagona yetkazib beruvchisi etib belgilandi, shuningdek, ularni saqlash, qayta ishlash va yetkazib berish bo‘yicha agenti hisoblanadi.

Yangiliklar lentasi
0