07:59 26 Iyun 2019
Efir
  • RUB135.34
  • EUR9731.96
  • USD8562.34
Uzbekskiye shkolniki

Oʻzbekistonda maktablar reytingi oʻquvchilar savodxonligi orqali shakllantiriladi

© Ministerstvo obrazovaniya Uzbekistana
Yangiliklar
Havola olish
33410

PISA xalqaro tadqiqotlari Oʻzbekistonda 2021 yildan boshlab tatbiq etiladi. Bu jarayonga xalq taʼlimi tizimi va boshqa tegishli tashkilotlar puxta tayyorgarlik qoʻrishlari kerakligi taʼkidlandi va tegishli topshiriqlar berildi.

TOSHKENT, 30 yanv - Sputnik. Oʻzbekistonda 2021 yildan boshlab PISA xalqaro tadqiqotlari tatbiq etiladi. Bu haqda Xalq taʼlimi vazirligi hamda Vazirlar Mahkamasi huzuridagi Taʼlim sifatini nazorat qilish davlat inspektsiyasi tomonidan 30 yanvar kuni oʻtkazilgan videoselektor yigʻilishida maʼlum qilindi.

"Umumtaʼlim muassasalari reytingini aniqlashni samarali tashkil etish hamda PISA xalqaro tadqiqotlarida Oʻzbekiston Respublikasining ishtirok etishiga tayyorgarlik koʻrish" mavzusida boʻlib oʻtgan videoselektor yigʻilishining Respublika studiyasida Xalq taʼlimi vazirligi hamda Taʼlim sifatini nazorat qilish davlat inspektsiyasi rahbariyati boshqarma va boʻlim boshliqlari ishtirok etdi.

Yigʻilishni viloyat studiyalarida Qoraqalpogʻiston Xalq taʼlimi vaziri, Toshkent shahar va viloyatlar xalq taʼlimi boshqarma boshliqlari, tuman (shahar xalq taʼlimi boʻlimi mudirlari), taʼlim sifati monitoringi xizmati xodimlari, xalqaro tadqiqotlarni amalga oshirishga masʼul boʻlgan xodimlar hamda mazkur tadqiqotlarni amalga oshirishga yoʻnaltirilgan tayanch maktablarining rahbarlari kuzatdi.

Videoselektor yigʻilishida joriy yilda ilk bora oʻtkazilayotgan umumtaʼlim muassasalarining reytingini aniqlashga oid maʼlumotlar bazasini shakllantirish, nazorat ishlari va ijtimoiy soʻrovnomalarni oʻtkazish masalalari muhokama etildi. Shuningdek, xalqaro tadqiqotlarni samarali tashkil etish boʻyicha taklif va mulohazalar tinglandi.

Reytingni aniqlashga oid maʼlumotlar bazasini shakllantirish jarayonida ishchi guruhlar tomonidan har yili mart va may oylarida umumtaʼlim muassasalari 9-sinf oʻquvchilarining bilim darajasini aniqlash maqsadida yozma ish yoki test sinovlaridan iborat nazorat ishlari oʻtkazilishi qayd etildi. Jumladan, 9-sinf oʻquvchilari ona tilidan diktant, matematikadan bitta masala va toʻrtta misol yechishi belgilandi.

Videoselektor doirasida oʻquvchilarning taʼlimiy yutuqlarini baholash boʻyicha PISA xalqaro dasturi dunyoning barcha davlatlaridagi oʻquvchilarning savodxonligini baholash va ushbu bilimlarini amaliyotda qoʻllashni bilish darajasini baholovchi test ekanligi alohida taʼkidlandi. Bu testlar 3 yilda bir marotaba oʻtkazilib, unda 15 yoshli oʻsmirlar qatnashadi.

Videoselektorda PISA xalqaro tadqiqotlari mamlakatda 2021 yildan boshlab tatbiq etilishi aytilib oʻtdi va ushbu jarayonga xalq taʼlimi tizimi va boshqa tegishli tashkilotlar puxta tayyorgarlik qoʻrishlari kerakligi taʼkidlandi va tegishli topshiriqlar berildi.

Asosiy mavzular