14:43 22 Avgust 2019
Efir
  • RUB138.47
  • EUR10092.14
  • USD9061.00
Prazdnichnыe meropriyatiya, posvyaщennыe Dnyu Pamyati i Pochestey

Toshkentda Gʻalaba parki barpo etiladi

Sputnik / Ramiz Baxtiyarov
Yangiliklar
Havola olish
28310

Ushbu bogʻ va uning tarkibida bunyod etiladigan shon-shuhrat muzeyi eng goʻzal va puxta ishlangan loyihalar asosida yaratilishi rejalashtirilmoqda

TOSHKENT, 10 may - Sputnik. Toshkent shahrining eng koʻrkam maskanlaridan birida Gʻalabaning 75 yilligiga bagʻishlab ulkan Gʻalaba bogʻi barpo etiladi. Bu haqda Oʻzbekiston prezidenti kuni kecha veteranlar oldida soʻzlagan nutqida maʼlum qilgan.

Eslatib oʻtamiz, giz bor, kelgusi yili Gʻalabaning 75 yillik bayrami xalqaro miqyosda keng nishonlanadi. 

"Hozirgi kunda Mustaqil Davlatlar Hamdoʻstligi mamlakatlari bilan birga bu qutlugʻ sanani munosib kutib olish va yuqori saviyada oʻtkazish uchun katta tayyorgarlik koʻrmoqdamiz. Jumladan, Oʻzbekiston xalqining buyuk gʻalabaga qoʻshgan munosib hissasini aks ettiradigan, gʻoyat muhim tarixiy maʼlumotlarni oʻzida mujassam etgan kitob-albom nashrga tayyorlanmoqda. 

Ayni vaqtda Toshkent shahrining eng koʻrkam maskanlaridan birida ushbu shonli sanaga bagʻishlab ulkan Gʻalaba bogʻini barpo etamiz. Bu borada loyiha-qurilish ishlarini boshlab yuborganimizni bugun sizlarga maʼlum qilmoqchiman", - dedi Mirziyoyev oʻz chiqishida. 

Ushbu bogʻ va uning tarkibida bunyod etiladigan shon-shuhrat muzeyi eng goʻzal va puxta ishlangan loyihalar asosida yaratilishi rejalashtirilmoqda.

Muhtasham yodgorlik majmuasining maʼno-mazmuni, muzey ekspozitsiyasini shakllantirishda faxriylar, tarixchi olimlar, ijodkor ziyolilar, keng jamoatchilik fikr-mulohazalari, taklif va tavsiyalarini olish koʻzda tutilgan.

Asosiy mavzular