21:09 16 Sentyabr 2019
Efir
  • RUB142.96
  • EUR10360.56
  • USD9395.63
Uzbekskiy militseyskiy avtomobil

Toshkentda olib qochilgan "Neksiya"ni topish uchun maxsus operatsiya oʻtkazildi

Stringer
Yangiliklar
Havola olish
14310

Toshkent shahar IIBB shahar ahli va mehmonlardan avtomobil kalitini oʻt oldirgichda qoldirmaslikni, mmkon qadar mashinani qoʻriqlanadigan avtoturargohda qoldirishni soʻrab qolgan

TOSHKENT, 21 may - Sputnik. Toshkentda olib qochilgan "Neksiya" avtomobili issiq izdan qoʻlga olindi, deb xabar qildi Toshkent shahar IIBB matbuot-xizmati.

Xabarda aytilishicha, nomaʼlum shaxs Chilonzor tumani Furqat koʻchasidagi Muqimiy teatri yaqinida qoldirilgan "Neksiya-2" rusumli avtomobilni olib qochgan. Mashina kaliti avtomobil ichida qoldirilgan boʻlgan. Avtomobil egasi darhol bu haqda IIBBga xabar bergan. 

Koʻrilgan choralar natijasida bir soat oʻtmasdan YPX va PPX xodimlari qidirilayotgan mashinani va uni olib qochganlikda gumonlanuvchi shaxsni Chilonzor tumanidagi Novza masjidi yonidan topishgan.

Avtomobil toʻxtatilgan, gumonlanuvchi – 21 yoshli muqaddam sudlangan Xusnidiin Zoirov esa qoʻlga olingan.

Ushbu fakt boʻyicha Oʻzbekiston Respublikasi Jinoyat kodeksining 267-moddasi 1-qismi ("Transport vositasini olib qochish") boʻyicha jinoiy ish qoʻzgʻatildi.

Toshkent shahar IIBB shahar ahli va mehmonlarga murojaat etib, avtomobil kalitini oʻt oldirgichda qoldirmaslikni, mmkon qadar mashinani qoʻriqlanadigan avtoturargohda qoldirishni soʻragan.

Asosiy mavzular